Sarr Dhanp Kar Namaz Padhna AFZAL Aur PASANDIDA Hai.

Ahle Sunnat Wal Jammat Ke Nazdeek Sarr Dhamp (Topi,Amama Ya Rumal) Kar Namaz Padhna MUSTAHAB Hai Yehi Nahi Bulke Hazrat Muhammad Salalallahu Alaihi Wassalam Bhi Namazo Me Sarr Kisi Na Kisi Cheez Se Dhanka Hua Rakhte Aur Yehi Amal Ko Dekhtey Huye Sahaba (Rdh.) Aur Salaf o Sawalehin (Rh.) Bhi Namazo Me Topi Ya Ammama Pehne Huye Hote The.

SARR DHANP KAR NAMAZ PADHNE KE DALAIL :

1. Allah Ta’alla Farmate Hain :
“Ya Bani Aadama Kuzu Zeenatakum Inda Kuli Masjid”

Tarjuma: Aye! Bani Adam, Jab Tum Namaz Padhne Lago Toh Khubsurat Libaas Pehan Liya Karo..

[Surah A’araf, Ayat Raqam: 31]

Ayat-e-Kareema Ki TAFSEER Dekhein…

1. Imam Ibn Quddama Hambali (Rh.) Farmatey Hain :

“Agar Koi Insan Ek Kapda Pahen Ke Namaz Padha Hai Toh Uske Liye Kaafi Hai, Agar Do Kapde Pahenke Namaz Qayam Karta Hai Toh Uske Liye Zada Behtar Hai, Aur Agar Koi Chaar Kapde Pehan Neko Iktiyar Karleta Hai Toh Uski Namaz KAMIL AUR MUKKAMAL Hojati Hai. Aur Woh Chaar Kapdey Kameez, Taiband, Payjama Aur AMAMA Ya TOPI Hai.”

[Al-Mugni, Jild: 2, Safah: 136]

2. Shaykh ul-Islaam Allama Ibn Tayymiyah (Rh.) Ne Bhi Zeenat Se Muraad Sattar Ke Alawa Ke Kapdo Ko Kaha He..

[Al-Majmoo Fatwa Ibn Taimiyya]

3. Allama Muhammad Bin Zahid Al-Kausari (Rh.) Farmate Hain :
“Lafaz-E-Zeenat Me Sarr Dhampna Shamil Hai”

[Maqalaat E Kausari, Jild: 1, Safah: 171]

4. Ghair Muqallid Miya Nazeer Hussain Dehlavi Sahab Ayat Ke Tehad Farmate Hain :

“Yeh Ayat-e-Mubaraka Se Yeh Sabit Hota Hai Ke Topi Aur Amame Se Namaz Parhna Aula (MUSTAHAB) Hai Aur Jo SUSTI Aur KOTAHI Ke Wajah Se NANGE Sarr Namaz Padhe Usski Namaz MAKROOH Hai.”

[Fatawa Nazeeriya, Jild: 1, Safah: 240]

SCAN PAGE :

2. Hazrat Anas (Rdh.) Farmate Hain Ke Nabi Sallallahu Alaihi Wassallam Aksar Auqat Apna Sarr Mubarak Ko Kapde Se Dhaanp Kar Rakhte The.

[Sha’mail Tirmizi, Safah: 17]

3. Hazrat Abdullah Bin Umar (Rdh.) Farmate Hain Ke Rasoolullah Sallallahu Alaihi Wassallam Safed (White) Rang Ki Topi Pehna Karte The.

[Majmua Zawaid, Jild: 5, Safah: 121, Baab: Topi Ka
Pehnna]

Riwayat Ko In Muhaddiseen Ne SAHIH Kaha Hai :

A. Imam Haismi (Rh.) Ne Hadees Ko Sahih Kaha Hai.

B. Imam Tabrani (Rh.) Ne HASAN Kaha Hai.

C. Imam Suyuti (Rh.) Ne Hadees Ko Ala Darjeh Ki Sahih Kaha Hai.

[Sirajul Muneer, Jild: 4, Safah: 112]

4. Abu Sheikh (Rh.) Se Riwayat
Hai Ke Hazrat Abdullah Bin Abbas (Rdh.) Ne Farmaya Ke Nabi Sallallahu Alaihi Wassallam Ke Paas Teen (Three) Topi Huwa Karti Thi.

[Bazlool Majhood, Jild: 6, Safah: 52]

5. Ammi Ayesha (Rdh.) Riwayat Karti Hain Ke Nabi Sallallahu Alaihi Wassallam Ek
Safed Rang Ki Topi Pehna Karte The Jo Sapat Hoti Aur Aap Sallallahu Alaihi Wassallam Ke Mubarak Sarr Se Chipki Hui Hoti.

[Faizul Qadeer, Jild: 5, Safah: 246]

6. Ammi Ayesha (Rdh.) Se
Marwi Hai Ke Nabi Sallallahu Alaihi Wassallam Jab Safar Me Jate Toh Woh Topi Pehante Jo Aapke Kaan Mubarak Ko Dhanp Leti Aur Jab
Ghar Me Rehte Toh Patli Topi Pehante The.

[Faizul Qadeer, Jild: 5, Safah: 246]

Is Hadees Ki Sanad Ko Allama Iraaqi Maliki (Rh.) Ne Sahih Kaha Hai.

7. Hazrat Rukana (Rdh.) Se Riwayat Hai Ke Rasul ullah Sallallahu Alaihi Wassallam Farmate Hain Ke Hamare Aur Mushrikin Ke Darmiyaan Farq Karne Wali Cheez Topi Ke Upar Amama Hai.

[Sunan Abu Dawood, Hadees Raqam: 4075]

[Jamee Tirmizi, Hadees Raqam: 3919]

8. Rasoolullah Sallallahu Alaihi Wassallam Se Sawal Kiya Gaya Ke Ahraam Ke
Kapdey Kaisi Honi Chaiye ? Toh Aap Sallallahu Alaihi Wassallam Ne Farmaya :
Tum Kameez, Pajama, Amama Ya Topi Nahi Pehan Na”

[Sahih Bukhari, Jild: 1, Safah: 248, Hadees Raqam: 1838]

TAMBEEH :

Sahih Bukhari Ki
Is Hadees Se Pata Chalta Hai Ke
Aksar Sahaba (Rdh.) Kameez,
Pajama, Amama Ya Topi
Pehante The Lehaza Aap
Sallallahu Alaihi Wassallam Ne Ahraam Ki Halat
Me Ammama Aur Topi Ko Pehan Ne Se Mana Farmaya.

9. Hazrat Wail Bin Hujr (Rdh.) Farmate Hain Ke
Main Agle Saal Huzoor
Sallallahu Alaihi Wasallam Ke Paas Aya (Toh Meine Dekha Ke Namaz Me) Sahaba Razi
Allahu Anhum Ke (Jismo par)
Chadaren Thi Aur (SARRO Par)
Lambi TOPIYAN Thi.

[Muajjamul Kabeer At-Tabrani, Jild: 9, Safah: 157]
[Sunan Tahawi Sharif]

10. Hazrat Anas Bin Malik (Rdh.) Farmate Hain Ke Meine Rasool ullah Sallallahu
Alaihi Wasallam Ko Wuzu Karte
Huye Dekha. Aap Sallallahu Alaihi Wasallam ke Sarr Mubarak Par QATRI PAGDI Thi,
Aap (S.A.W) Ne Pagdi Ke NEECHE Se
Haath Daal Kar Sarr Ke Agle
Hisse Par MASAH Farmaya Aur
Pagdi Ko Khola Nahi.

[Sunan Abu Dawood]

11. Hazrat Abdullah Bin Umar (Rdh.) Farmate Hain Ke Nabi Kareem Sallallahu
Alaihi Wasallam Jab bhi
AMMAMA Bandhte The Toh Apne
AMAMA Ko Apne Kandho Ke Maa Bain (Darmiyan) Latkate The. Hazrat Naafee’ (Rh.) Farmate Hain Ke Meine Hazrat Ibn Umar (Rdh.), Qasim Bin Muhammad (Rh.)
Aur Saalim (Rh.) Ko Bhi Aisehe Karte Dekha Hai.

[Shamail Tirmizi]

12. Hazrat Anas Bin Malik (Rdh.) Se Riwayat Hai Ke Rasool Ullah Sallallahu Alaihi Wassallam Ko Dekha Apne Sarr Mubarak Pe Tel Bohot Zada Istemal Kiya Karte The Isliye Aap Sallallahu Alaihi Wassallam Ke Sarr Mubarak Pe Jo Kapda Huwa Karta Tha Woh Kapda Tel Lagane Ke Wajah Se Aise Hojata Tha Jaise Tel Bechne Wale Ya Tel Nikalne Wale Ka Kapda Hota Hai.

[Shaamail Tirmizi, Safah: 4]

TAMBEEH :

Is Hadees Se Saabit Hota Hai Ke Rasool Ullah Sallallahu Alaihi Wassallam Ke Sarr Dhanpha Hoone Ke Dawwam Se Sarr Par Rakha Huwa Kapda Tel Bechne Walo Ke Kapdo Ke Barrabar Hojata Tha.

13. Hazrat Faltan Bin Aasim (Rdh.) Farmate Hain Ke Meine Rasool ullah Sallallahu Alaihi Wassallam Ko Dekha Aur Aap Sallallahu Alaihi Wassallam Ke Sahaba (Rdh.) Ko Bhi Dekha Ke Woh Namaz Padhte Waqt Apne Sarr Ke Upar Topi Rakhte Ya Phir Amama Ya Chadar.

[Muajjamul Kabeer At-Tabrani, Jild: 9, Safah: 157]

14. Rasool ullah Sallallahu Alaihi Wassallam Farmate Hain Amama Pehna Karo Kyunki Yeh Islam Ki Pehchan Hai Aur Musalman Aur Kafiro Ke Darmiyan Farq Karne Wali Cheez Hai.

[Khasail-E-Nabawi, Safa: 6, Hadees Raqam: 8]

15. Hazrat Abdullah Bin Abbas (Rdh.) Se Riwayat Hai Ke Rasool ullah Sallallahu Alaihi Wassallam Sahaba Raz Se Gufta Gu Karte Waqat Kala Rang Ka Amama Pehne Huye The.

[Sahih Bukhari, Jild: 1, Safah: 536]

16. Mashoor Ta’abi Hasan Basri (Rh.) Farmate Hain Garmi Ki Wajah
Se, Sahaba (Rdh.) Sajda, Topi
Ya Imama Sahet Karte Aur
Unke Hath Kameez Ke
Asthin Ke Andar Hote.

[Sahih Bukhari, Jild: 1, Safah: 56, Baab: Isbareme Ke Garmi Ke Mausam Me Topi Ya Pagdiyo Pe Sajda Karna]

17. Sayyedna Ali Bin Abi Talib (Rdh.) Ko Dekha Gaya Ke Woh Safed (Rang) Ki Misri Topi Pehne Huwe The.

[Tabaaqat Ibn Saad Jild: 3, Safah: 187]

18. Hazrat Zaid Bin Jubair (Rh.)
Farmate He Ke Unhone Abdullah Bin Zubair (Rdh.) Ko Topi Pehne Huye Dekha.

19. Hishaam Bin Urwah (Rh.) Farmate Hain Ke Me Ne Abu
Musa Ashari (Rdh.) Ko Baithul
Kanna (Toilet) Se Nikalte
Huwe Dekha Aur Unhone Topi Pehni Huwi Thi.

[Mussannaf Ibn Abi Shaibah, Jild: 8, Safah: 212,213,242]

20. Hazrat Abdullah Bin Umar (Rdh.) SARR par
Masah Farmate Toh TOPI Sarr Se Hata Lete Aur SARR Ke Agle Hisse Par MASAH Farmate.

[Sunan Dar Qutni]

21. Sayyeddena Ali Bin Abi Talib (Rdh.) Se Marvi Hai Ke Jo Namaz Padh Raha Ho Woh Sajda Peshani Pe Kare Aur Amama Hata Le.

[Musanaff Ibn Abi Shaibah, Jild: 2, Safah: 500]

TAMBEEH :

Yani Pagdi Ya Amame Pe Sajdah Na Kare Bulke Peshani Pe Kare.

22. Hilal Bin Yasaf(Rh.) Farmate Hain Ke Jab Hum Wabisah Gaye Toh Sahabi-E-Rasool Ko Topi Pehne Huye Paya.

[Sunan Abu Dawood, Hadees Raqam: 948]

SALAF-O-SAWALIHEEN KA FAISLAH :

1. Imaam Shaafi (Rh.) Ke Mazhab Me Amama Ke Sath Namaz Padhna MUSTAHAB Hai.

[Al Misri Safar Ke Muttaliq, Safah: 122]

2. Allama Ibn Qudama Hambali (Rh.) Farmate Hain Ke Sawb, Silwar, Izhaar Aur Amama Ke Saath Namaz Padhna Mustahab Hai.

[Al Mughni, Jild: 1, Safah: 404,405]

3. Imaam Malik (Rh.) Farmate Hain Ke Amama Pehna Islam Ke Shuruwat Se Lekar Hamare Zamane Tak Chala Aaraha Hai Aur Ahle Ilm Mese Yahya Bin Sa’eed (Rh.), Rabi’a Aur Ibn Hurmuz (Rh.) Ko Kasrat Ke Sath Pehna Hua Dekha Aur Yeh Hazrat Rabi’a (Rh.) Amama Ko Sote Waqt Utarte The Aur Unke Tees Shagird Bhi Aisa Karte Jisme Me (Imam Malik) Bhi Shamil Hoon, Allah Ki Kasam Amama Ke Pehan Nese Aqqal Me Izafah Hota Hai.

[Al Jami Fi Al Sunan Lil Ibn Abi Zaid, Safah: 228, Edition: San 1982]

4. Shaikh Abdul Qadeer Jilani Hanbali (Rh.) Farmate Hain Ke Acche Logon Ki Addat Thi Ke Woh Apne Sarr Dhanp Ke Rakhte The.

[Gunyatul Taalibeen, Jild: 1, Safah: 14]

5. Allama Qastallani (Rh.)
Farmate Hain Beshaq Bina
Kisi Shak Ya Shuba Ke
Nabi Sallallahu Alaihi Wassallam Ke Sahaba (Rdh.) Topi Pehna Karte The Jinme
Abu Bakar, Abdullah Ibn Abbas R.z Jaise Sahaba R.z
The Unke Alawa Tabain Bhi The Jaise Ibn Abi Laila (Rh.) Wagaira.

[Sharah Sahih Bukhari Lil Imaam Qastallani]

6. Imaam Iraaqi Al-Maliki
(Rh.) Farmatey Hain Ke Topi Nabi Sallallahu Alaihi Wassallam Ki SUNNAT Hai.

[Akhlaaq-E-Nabawi]

7. Fuqaha-E-Kiraam (Rh.) Farmate Hain Ke
Susti Ya Kotahi Ke Wajah Se Namaz Me Topi Na Pehna MAKROOH Hai.

[Al Fiqh Al Islami, Baab Ul-Makroohat-e-Salaah]

8. Fuqaha Ahnaf Ke Nazdeeq Susti Ke Bina
Par Topi Na Pehnna MAKROOH Hai.”

[Durre Mukhtar, Jild: 1, Safah: 474]

[Raddul Mukhtar, Jild: 1, Safah: 474]

9. Mulla Ali Qari (Rh.) Farmate Hain Ke Islaam Ke Pehchan Topi Ke Pehne Me Hai.

[Mirqaat Al-Masabeeh, Jild: 8, Safah: 246]

10. Allama Ibn Jauzi Hanbali (Rh.) Farmate Hain Ke Sarr Ko Nanga Rakhna Acche Aur Sacche Logo Ki Pehchan Nahi Hai.

[Fatawa Rasheediya, Jild: 1, Safah: 308]

GHAIR MUQALLIDO KE ULAMA SE NANGE SARR NAMAZ PADHNE KI MU’MANIAT:

Khud Daure Hazir Aur Purane Ulama-E-Ahle Hadeeson Ne NANGE Sarr Namaz Padhne Ko MAKROOH, Khilaf-E-Sunnat Aur Toh Aur BIDDAT Qarar Diya Hai..

Jiski Tafseel Ap Neeche Diye Huye Link Me Dekh Saktey Hain :

LINK :

https://batilfirqokihaqeeqat.wordpress.com/2016/03/22/firqa-ahle-hadees-ke-ulama-se-nange-sarr-namaz-padhne-ki-mumaniat/

HAASIL :

Min Jumlah Dalail Ke
Baad Pata Yeh Chalta He Ke Sarr Dhanp Kar Namaz Padhna MUSTAHAB Hai Aur Namaz Me
Bila Kisi Ujar Ke Nange Sarr Namaz Padhna Ek Na-Pasndida (MAKROOH) Amal Hai..

Wallahu’Alam…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s