Jumma Ke Din Gusal Karna Sunnat Hai

Aksar Dekha Gaya He Aur Parha Bhi Gaya He Ke Sabit Sudha Masail Ko Ghair Muqallideen Iktelaafi Banane Me Tule Huye Hote He Jaise Eesal E Sawab, Farz Namaz Ke Baad Dua Wagairah..

Issi Tarah Ek Sabit Sudha Masala He Ke Jumma Ki Gusal Sunnat Hai..
Magar Ghair Muqallideen Isko Bhi Ikteelafi Bananeki Koshish Me Jumma Ki Gusal Ko Wajib Kehte Aur Aise Kuch Fitna Parast Alimo Ne Adhuri Tehqeeq Par Kehdala Ke Jumma Ki Gusal Wujub Ka Darja Rakhti He…

Magar Yeh Tehqeeq Sarra sarr Adhuri Aur Fitna Parasti Ki Nishani He , Iss post me hum unke dalail se robaru karwayenge Aur unke he ghar ke aqwal Hadees E rasool S.A.W se bhi sabit karenge Ke Gusal Jumma Me Sunnat Ka Darja Rakhta Hai Na Ke Wujub Ka…

♥JUMMA KA GUSAL SUNNAT HE USPAR AHLE SUNNAT WAL JAMMAT KE DALAIL MULAIHIZA FARMAYE..

1) Ibrahim Bin Nasit Rah Se Riwayat Hai Ke Unhone Ibn Shihab As Zuhri Rah Se Jumma Ke Gusal Ke Muttalik Sawal Kiya, Imam Zuhri Rah Ne Farmaya- Yeh SUNNAT HAI, Mein Ne Salim Bin Abdullah Rah Se Suna Tha Unhone Apne Walid Abdullah Bin Umar Raz Ko Farmate Huye Suna Ke Allah Ke Rasul S.A.W Ne Iss Bareme Membar Se Ittla Di Thi(Ki Gusal Sunnat He Jumma Ke Din)
(SUNAN NASAI KITABUL JUMMAH HD.NO-1417, SAHIH DARRUSALAM PUBLICATION)

* Imam Nasai Rah Ne Hadees Ko Sahih Kaha,
* Shaikh Albani Rah Ne Bhi Riwayat Sahih Qarar Di Hai..
(Sahih Nasai Lil Albani)

* Yeh Riwayat Marfu hai Yani Khud Rasul ullah S.A.W Ne SUNNAT farmaya Aur Yeh hadees Ibn Umar Raz Ne Apne Bete Salim Rah Ko Bayan Ki Hai..

* Imam Nawawi As Shafi Rah Farmate He- “Jamhoor Aslaf Ke Nazdeek Jummah Ka Gusal Sunnat Hai Kuch Salaf Ne Isko Wajib Bhi Kaha..
(Al Majmoo Lil Nawawi Jild 2 Safa 232)

* Jamhoor Salaf Ka Qaul Sunnat Hai Jumna Ka Gusal Yani Ijma Iske Sunnat Honepe Hai.. Aur Ijma Ki Mukhalifat Nahi Karni Chaiye Dekhiye Suratul Nisa Ayat No- 115..

2) أَخْبَرَنَا أَبُو الأَشْعَثِ، عَنْ يَزِيدَ بْنِ زُرَيْعٍ، قَالَ حَدَّثَنَا شُعْبَةُ، عَنْ قَتَادَةَ، عَنِ الْحَسَنِ، عَنْ سَمُرَةَ، قَالَ قَالَ رَسُولُ اللَّهِ صلى الله عليه وسلم ‏”‏ مَنْ تَوَضَّأَ يَوْمَ الْجُمُعَةِ فَبِهَا وَنِعْمَتْ وَمَنِ اغْتَسَلَ فَالْغُسْلُ أَفْضَلُ ‏”‏ ‏.‏ قَالَ أَبُو عَبْدِ الرَّحْمَنِ الْحَسَنُ عَنْ سَمُرَةَ كِتَابًا وَلَمْ يَسْمَعِ الْحَسَنُ مِنْ سَمُرَةَ إِلاَّ حَدِيثَ الْعَقِيقَةِ وَاللَّهُ تَعَالَى أَعْلَمُ ‏.‏

Tarjumah- “Samurah Raz Se Riwayat Hai Ke Rasool ullah S.A.W ne Irshad Farmaya-jo koi Jumma Ke Din Wazu Kare Toh Uske Liye Accha Hai Magar Jo Koi Gusal Kare Toh Uske Liye Afzal Hai..
(SUNAN NASAI KITABUL JUMMAH ISNADUN HASAN DARUSSALAAM HD.NO-1391)

* Allama Abdul Barr Maliki Rah Farmate Hain- Jummah Ke Din Ka “Gusal, Afzal Hai Aur Ispar Ijma Hai”..
(Tamheed Lil Abdul Barr)

3) Hazrat Abu Huraira Raz Se Riwayat Hai Ke Rasool ullah S.A.W ne irshad farmaya jisne Wazu kiya aur Khub Acchi Tarah Wazu Kiya Phir Jumma Parhne Aya Aur Khamosh Hokar Khutba Suna Toh isske liye Jumma Se Jumma Tak Aur 3 Din Zyada Ke Gunah Maaf Kardiye Jate Hain Aur Jisne( jumma Ke Dauran) Kankari Ko Bhi Chuye Issne Laghu(Bekar) Kaam Kiya..
(Sahih Muslim Kitabul Jummah Baab- Fazli Ma’nistama Wa Ansa’t Fi Khutabat Hd.no- 1868)

* Imam Ibne Hajar Asqalani Rah Farmate He- “Yeh Hadees Jumma Ke Gusal Wajib Na Honepe Sabse Badi Dalil Hai..
(Al Talkhees Ul Habeer)

* Imam Qurtubi Rah Farmatey He Ke Muslim Ki Yeh Hadees Gusal Ko Afzal Honepe Dalalat Karti He, Magar Wazu Kafi Hai..

4) Abdullah Ibn Umar Raz Se Riwayat Hai Ke Rasool ullah S.A.W Jab Member Pe Tasreef Farma The To Farmaya-“Mann Ja’a Minkum Jummah Falyaftasil”
Tarjuma-“Jo Jumma Ke Liye Aye Usko Chaiye Ke Gusal Kare”
(Sahih Muslim Kitabul Jummah Hd.no- 1832,1833,1834,1835)

* Iss Hadees Me Bhi Rasool ullah S.A.W ne Jumma Ke Gusal Ko Sharat Ya Wujub Na Tehraya..

5) Hzrat Samurah Bin Jundub Raz Se Riwayat Hai Ke Rasool ullah S.A.W Ne Farmaya Jo Shakhs Jumma Me Wazu Kare, Uspar Barkatey Nazil Hoti Hai Aur Jo Ghusal Kare To Gusal Uske Liye Afzal Hai..
(SUNAN TIRMIZI KITABUL JUMMAH BAAB- MA’JA FIL WUZU YAUMAL JUMMAH(ISBAREME KE JUMMAH KE DIN WUZU) HD.NO-497, Imam Tirmizi Rah Ne Hadees Ko Hasan Sahih Kaha)

* Imam Tirmizi Rah Ne Yeh Baab Bandh Kar Sabit Karna Chate He Ke Jumma Ke Din Gusal Wajib Nahi Bulke Wazu Bhi Sirf Kiya Ja Sakta Magar Afzal Gusal Karna Hai..

6) Hzrat Abu Hurairah Raz Se Riwayat Hai Ke Rasul ullah S.A.W Ne Farmaya-“jo shakhs Wazu Kare Aur Acchi Tarah Wazu Kare Aur Jumma(Namaz) ke liye Aye Aur Qareeb Hojaye(imam se) ,Sune Aur Chup Rahe Aur Jo Koi(Gunah) Iske Jummah Se Jummah Tak Aur 3 Din Zyada Maaf Kar Diye Jate Hain Aur Jokoi Kankari Ko Chuye Issne Laghu(Bekar) Kaam Kiya..”
(Sunan Tirmizi Kitabul Jummah Baabul Ma’ja Fil Wuzu Yaumal Jummah Hd.no-498, Imam Tirmizi Ne Hadees Ko Hasan Sahih Kaha)

7) Hzrat Abu Hurairah Raz Se Riwayat Hai Ke Rasul ullah S.A.W Ne Farmaya-“Jo Shakhs Wazu Kare Aur Acchi Tarah Wazu Kiya Phir Jumma(Namaaz) Parhne Aya Aur Khamosh Hokar Khutba Suna Toh Iss Ke Liye Jumma Se Jumma Tak Aur 3 Din Zyada Ke Gunah Maaf Kar Diye Jate Hain Aur Jisne Kankari Chuye Toh Usne Laghu(Bekar) Kaam Kiya..”
(Abu Dawood Kitabul Ikamatul Salaat Wa Sunnat Fiiha Hd.no-1143, Sahih Darussalam Publication)

GHAIR MUQALIDEEN KE DALIL AUR ILMI JAWAB

Abu Saeed Khudri Raz Se Riwayat Hai Ke Aap S.A.W ne Farmaya Jumma Ka Gusal Karna Harr Baligh Ke Liye Wajib Hai..
(Bukhari,muslim,nasai , tirmizi wagairah)

JAWAB..

Iska Jawab Hum Khud Ghair Muqallideen Ke Hujjati Alim Shaikh Ibn Bazz Se Denge..
Shaikh Ibne Bazz Rah Farmatey Hain- “jo hadees me Aya hai “Jumma Ke Din Gusal Har Balig Par Wajib Hai”- toh isme aksar Ahle Ilm Ke Nazdeek Yeh Hai Ke ISKI BOHOT TAQEED HAI.. Aisehi hai jaise Arab kehte he ke “Wa’adah Qarz Hai Aur Apko Haq Mujhpar Wajib Hai”..
Aur Iss ke Dalail Yeh bhi Hai ke BAZZ AHADEES SE MALOOM HOTA HAI KE WAZU BHI KAFI HAI ISSI TARHA JUMMAH KE DIN KHUSBU LAGANA, MISHWAK KARNA ACCHE KAPDE PEHENNA AUR JUMMA KE LIYE JALDI JANA IN UMOOR MESE HAI JINKI TARGHEEB DI GAYI HAI LEKIN INMESE KOI CHEEZ BHI WAJIB NAHI HAI..
(FATAWA ISLAMIYAH SAFA 538)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s