Mah-E-Muharram Ke Ahqaam

♥ Muharram Ki Fazeelat Aur Aashure Ki Roze Ki Fazeelat Ke Baab Me Warid Ahadees..

Muharram Ka Mahina Baada Hurrmat Wala Mahina Jiska Zikar Quran E Pak Me Bhi Warid Hui Hai Irshad E Baari Ta’ala Hai- “Mahino Ki Ginnti Allah Ke Nazdeek 12 Mahine Hain… inme 4 Mahine Adab Ke Hain
(Surah Tauba Ayat-36)
Iski Sharah Me Abu Hurairah Raz Se Riwayat Karda Marfoo Hadees Me Aya He Muharram Un 4 Adab Wale Mahino Me Ek Hai
(Sahih Bukhari Wa Muslim Wagairah)

Muharram Ke Mahine Me Qatal Karna Haram Hai Irshad E Barri Ta’ala Hai- Keh Dijiye Isme Qital Karna Bohot Bada Gunah Hai..
(Sura Al Baqarah Ayat-217)

Chand Ahadees E Rasool Salallahu Alaihi Wassallam..

1) Abu Hurairah (Razi Allahu Ta’ala Anhu) Se Riwayat Hai Ke , Rasool Allah ﷺ (Sallallahu Alaihay Wasallam) Ne Farmaya, “Sab Rozo Main Afzal Ramazan ka roza, aur uske baad Muharram Ka Roza Hain,
Jo Allah Ka Mahina Hain Aur Baad Namaz-e-Farz Kay Tahajjud Ki Namaz Hain”
(Sahih Muslim Jild 3 Hd.no-2755)

2) Abu Hurairah (Razi Allahu Ta’ala Anhu) Se Riwayat Hain Kay, Ek Sahib Rasool’Allah ﷺ (Sallallahu
Alaihay asallam) Ke Khidmat Main Hazir Hokar Arz Karney Lage Ke, “Ramadan Ke Baad Sabse Ziyada Fazilat Kaun Se Roze Ki Hain, Toh
Aap (Sallallahu Alaihi Wasallam) Ne Farmaya, “Allah tala Ka Mahina Jise
Tum Muharram Kahtey Ho”
(Sunan Ibn Majah Jild 1 Hd.no-1742)

3) Hazrat Ibn Abbas Raz Se Riwayat Hai Ke Jo Muharram Ke Ek Din Ka Roza Rakhe Usko Ek Mahine Ke Rozo Ka Sawab Milega..
(Gunyatut Taalibeen Safa 314, Majlis Fi Fazail Yaum E Aashura)

♥ Aashure Ka Roza 10 Muharram Me Rakha Jata Hai, Magar Yahood Wa Nashaara Ki Mukhalifat Ke Wajah Se Hum Ahle Islam 9,10 ya 10,11 Muharram Ka Roza Rakhte Hain Tafseel Ke Liye Ahadees Pe Gaur Karein…

1) Abu Qatada al-Ansari (razi Allahu Anhu) se riwayat hai ki Nabee Sallallahu Alaihi wasallam se Asura (10 Muharram) ke din ke rozey ke
bare mein pucha to Aap Sallallahu Alaihi wasallam ne faramaya ye Guzrey huye saal ke gunahon ka kaffara hai.
(Sahih Muslim, Jild 3, Baab Fazl Saumul Muharram Hd.no- 2747)

2) Hazrat Abdullah Bin Abbas (Radi Allahu Anhu) se rivayat hai ki Jab Roza rakha Rasoolallah Sallallahu Alaihi wasallam Ne Aashurey ke din
(10 Muharram) ka aur Huqm Kiya is Rozey ka, tou logo ne Arz kiya- “Ya
Rasoolallah Sallallahu Alaihi wasallam ye din to aisa hai ki iski Taazim karte hain Yahud aur Nasara”? To Aap Sallallahu Alaihi
wasallam Ne farmaya Ki-“Jab Agla Saal aayega to Inshallah Hum 9 ka Roza Rakhege” Aakhir Agla Saal na
aane paya ki Aap Sallallahu Alaihi wasallam Ne Duniya se parda farma liya.
(Sahih Muslim, Jild 3 Hd.no-2666)

3) Allah Ke Rasul S.A.W Ne Farmaya Agar Me Agle Saal Raha Toh Aashura(10 Muharram) Se Ek Din Pehle(9 Muharram) Ya Ek Din Baad(11 Muharram) Roza Rakhne Ka Huqam Dunga..
(Shoaibul Iman Lil Baihaqi)

4) Ashura Ka Roza Rakho Aur Yahood Ki Mukhalifat Karo, Aashure Se Pahle Ek Din Ya Baad Me Ek Din Roza Rakho..

[Musnad Ahmad Jild: 1, Safa: 241 Hd.no: 2154,
Sunan Al Kubra Lil Baihaqi, Sahih Ibn Khuzaymah]

Scan Page: Sahih Ibn Khuzayma

Yeh Riwayat HASAN Darjeh Tak Pahuchta Hai Ibn Abi Laila (Rh.) Raawi Hain Jo Siqah wa Sudooq Hain..

5) Hzrat Ameer Muawiya Raz Membar Se Farmate Hain- Aye Ahle Madina! Tumhare Ulama Kahan Hain? Meine Allah Ke rasool Salallahu Alaihi Wassallam Ko Yu Farmate Huye Suna ke “Aye Logo! Yeh Aashura Ka Din Hai Aur Allah Ta’alla Ne Tum Par Iska ROZA FARZ NAHI KIYA HAI MAGAR ME ROZE SE HU. JO CHAHE ROZA RAKHE JO CHAHE IFTAAR KARE(ROZA NA RAKHE)
(Sahih Bukhari Wa Muslim)

♥ AASHURE KE DIN AHLO AHYAL AUR KHUDPAR KHARCH KARNA..

Hazrat Jabir Bin Abdullah Raz Se Riwayat Hai Ke Rasool Ullah S.A.W Ne Farmaya- Jo Admi Apne Aap Par Aur Apne Ghar Walo Par Aashure Ke Din( Khane Pine Me) Wus’at Karega Allah Ta’alla Uspar Pure Saal Wus’at Farmayenge..
(Al Iztizkar La Bin Abdur Barr Maliki Jild 3 Safa 331, Kitabussiyaam)

Tajurba- Jaleelul Qadar Sahabi Hzrat Jabir Raz , Imam Yahya Bin Saeed Al Qattan Rah, Imam Sufyaan Bin Uyainah Rah Farmate He Ke Humne Iska(Yani Aashure Ke Din Kharach Karna) tajurba kiya toh Usko Durust Aur Issi Tarah Paya..
( Al Aizaan, Gunyatutalibeen)

Imam
Munawi Rh. farmate hain ke Ahel
O Ayaal par Kushadgi ki
Hadees Agarche ke Zaeef hai,
Lekin mukhtalif Sanadon se
warid hai isliye Majmooi taur
par Quwwat haasil hoti hai,
Baaz Sanadon ko Zain Iraqi
aur Ibne Nasir Uddin ne
SAHIH Qarar diya hai.

[Tohfatul Baari, Jild: 1, Safa: 365]

* Yeh Riwayat Alag Alag Sanad Se Marvi He Jisko Imam Tabrani Rah Ne Al Ausat Aur Imam Baihaqi Rah Ne Apni Shoaibul Imaan Wagairah Me Laye He Jisse Ahadees Hasan Li Gairihi Ki Darjeh Tak Pahuchti He..

* Agar maan bhi le ki Ahadees Zaef He Toh Fazail Ke baab Me Puri Ummat Ka Ittefaq He Ke Zaef Riwayat Bhi Maqbool Hoti Hain..

♥ MUHARRAM KE MAHINE ME KUCH KHURRAFAT AUR BIDDAT..

1) Taziya Banana Aur Nachna Gana…

Hamare Barelvi Hazraat Kuch Taziyah Banate He Aur Uska Morcha Nacch Gaane Ke Sath Niqalte He Jo Bilkul Aur Lazimi Taur Par Ahle Biddato Ki Biddato Se Ek Biddat Hai

Allah Tala Farmate He- “Kya Tum Aisi Cheezo Ki Ibadat Karte ho Jisko Khud Hi Tumne Tarasha Aur Banaya Hai”
(As Saffat Ayat 95)

Jisko Allah Ke Rasool S.A.W Ne Na Ki Ho Na Khairun Qurun Ke Logo Ne Woh Biddat Hai Aur Hamare Ahle biddat Bhaiyo Ne Ijjad Kar Rakha Hai..

2) Noha Karna Wa Matam Karna Rafziyo(Shia) Ki Tarah..

10 muharram ke din ya usse qabal koi noha kare ya matam kare usne rafziyo wala amal kiya..
Lehaza Matam Wagaira Karna Islam Me Jaise Nahi Aur Aisa Karne Wale Dayre Islam Se kharij Hai Kyuki Abdullah Ibn masood Raz Se Riwayat Hai Ki Allah Ke Rasool Salalallahu Alaihi Wassallam Ka Mubarak Irshad Hai- “Woh Hummese(Musalman) Nahi Jo Gaal Peete, Girehbaan Jaade Aur Jihalat Ki Pukaar Pukaare..
(Sahih Bukhari Kitabul Janaiz Hd.no- 1294,1297,1298
Sahih Muslim Kitabul Imaan 103)

Aur Jo Rawafiz Jesa Amal Karega Woh Unhi Mese Hoga Kal Qayamat Ke Din Unhi Ke Saath Uthaya Jayega
Ibn Umar Raz Se Riwayat Hai Ke Rasool Ullah Salalallahu Alaihi Wassallam Ne Irshad Farmaya- “Jisne Jis Qaum Ki Mushabiyat Ikhtiyaar Ki Woh Uss Qaum Mese Hai.
(Sunan Abi Dawood Jild 2 Safa 203 Kitabul Libas Baab Fi Labsus Shahrah Hd.no-4031)

♥ KUCH MAUZU AUR NA QABIL E AMAL AHADEES FAZEELAT E MAH E MUHARRAM ME BHI WARID HUYE HAIN..

Jaise Ek Riwayat Hain Rasul ullah S.A.W ne Farmaya- “Jo Admi Aashure ke Din, Ismid Ka Surrma Lagayega Uske Kabhi Bhi Ankhe Nahi Jayegi..
(Riwayat Ko Imam Baihaqi Rah Ne Apni Kitab Shoaibul Imaan Me Darj Kiya He)

Yeh Riwayat Bohot Kamzoor Aur Zaef Jiddah He..

* Imam Baihaqi Rah Iss Hadees Ke Bareme Farmate He- Isnaduhu Zaef Bin Maratin Wa Zuwaibir Zaef Wa Zahhak Lam Yalkabn Ibn Abbas Raz
Yani Iski Sanad Badi Zaef Hai Kyuki Iska Ek Raavi Zuwaibir He Jo Zaef Hai Aur zahhak Ne ibn abbas Se mulakat Sabit nahi..
Yani Sanad Munqate Bhi He..

* Imam Hakim Rah farmatey He Zuwaibir Zaef Hai
(Tehzeeb Ut Tehzeeb)

* Imam Ibn Hajar Asqalani Rah Farmate He- Wahuwa Isnadun Wahi..
Yani Iski Sanad Wahiyat Hai

* Imam Sakhawi Rah Farmate He- ke Yeh Hadees Mere Nazdeek Mauzu Hai..
(Faizul Qadeer Sharh Jameeus Sagheer Lil Imam Munawi Rah)

Umeed He Aplogo Ko Haqq Aur Batil Ki Pehchaan Hogai Hoge..
Allah Amal Karne Wala Banaye
Ameen..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s