Khulfa-E-Rashideen (The Rightly Guided Khalifahs Of Islam)

HAZRAT ABU BAKR SIDDIQUE (RDH.):

Khulfa-E-Rashideen Me Sabse Pehle Khalifah Banne Wale Shakhs Ka Naam Abu Bakar Siddique Razi Allahu tallanhu Tha Aur Yeh Sabse Pehle Aap Salalallahu Alaihi Wasallam Ke Nabi Honepar Iman Laye The Aur Musalman Huwe The..

Inka Nasab Kuch Yun Hai, Abdullah Bin Abi Qahfa Usman Bin Amir Bin Umero Bin Kaib Bin Saad Teyam Bin Marah Hai..

Kyuki Inhone Harr Kaam Me Pehel Kiya Lihaza Inka Naam Abu Bakar(Pahel Karne Wala) Se Nawaza Gaya..

Apki Wiladat Huzur Salalallahu Alaihi Wasallam Ke Wiladat Se 2 Saal 2 Mah Qabal Makkah Mukkarama Me Hui..
(Tareekh Khulafah lil suyuti Safa 52)

Aap Razi Ka Silsilah Nasab Mara’h Bin Ka’ib Par Huzoor S.A.W Se Jakar Miljata Hai..
(Tabqat Ibn Saad, Safeena tul Auliyah)
Khilafat Inki 2 Saal Thi..

Shaan E Girami Me Chand Ahadees:

1) Hazrat Abu Hurairah razi bayan krte he ke Rasool ullah saw ne irshad farmaya-“Aye Abu Bakar Tum Meri Ummat Me Sabse Pehle Jannat Me Jaoge”
(Abu Dawood Hd.no-4652, Mutadarak Hakim hd.no-4500)

2) Aap S.A.W ne Farmaya mujhpar tamam logose zyada ahsanaat Abu Bakar raz ke Hain..
(Sahih Bukhari Hd.no-466)

HAZRAT UMAR BIN KHATTAB (RDH.) :

Khulfa-E-Rashideen Duwwam Yani Dusre Khalifa Hazrat Umar Bin Khattab Razi Hain..

Silsilah Nasab yun he- Umar bin khattab bin nufail bin abdul uzza bin riyah bin qart bin razah bin adi bin ka’b bin lu’ayy

Imam Zehbi Rah Farmate he Nubuwat ke 6 Saal Me Islam Qubul Kiya Aur Tab Unki Umar 27 Baras thi..

Tareekh Ke Mahireen kehte he ke unhone 39 mardo ke baad islam qubul kiya kuch ka 40 ka qaul he aur kuch ka 45 ka..
10 saal ka khalifat ka daur raha..
(Tareekh Khulfa Lil Suyuti Safa 54-61)

Shaan Me Kuch Warid Ahadees…
1) Hazrat Uqba Bin Amir Raz Se Riwayat he ke Rasool ullah s.a.w ne hazrat Umar razi ke bareme farmaya-“mere baad agar kisika nabi banna Muqaddar Hota Toh Woh Umar Bin Khattab hote..
(Sunan Tirmizi Hd.no-3636, Sahih)

2) Allah Ke Rasool Salallahu Alaihi Wasallam Farmate Hain..”aye ibn khattab! Us zaat ki kasam jiske hath me meri jaan hai,agar kabhi shaitaan tumhe kisi raste par aata huwa dekh leta he toh tumhara rasta chorkar dusre raste par ho leta hai..
(Sahih Bukhari Kitabul Fazail Ashab-E-Nabi Hd.no-3683)

HAZRAT USMAN BIN AFFAN (RDH.) :

Teesre Khalifatul Muslimeen Bane Hazrat Usman Bin Affan Razi Allahu Tallanhu

Pura Silsilah Nasab Usman Ibn Affan Ibn Abi Al-‘As Ibn Umayyah Ibn Abd Shams, Abu Amr, Abu’Abdullah, Abu Layla Al-Qurashi Al-Umawi Hai..

Inka Laqab Zual Nurain Bhi Hai
Usman Razi Darmiyani Kadh Ke The, Bohot Khubsurat The Aur Bade Haya Wale The Jinse Farishte Bhi Haya Karte The(Sahih Muslim)

Khilafat 12 Saal Rahi San 23 Hijri Se 35 Hijri Tak..
Wafat San 35 Hijri Me Hui Zilhajj Ke 18vi tareekh Ko Tab Unki Umar 79 Baras Thi
(Dekhiye- Siyar A’lam Al-Nubula Lil Zehbi Safa 566-614, Jild 1)

Shaan Me Chand Hadeesein..
1) Hazrat Abu Bakr, Umar, Aur Usman Raz Ko Duniyah Me Jannat Ki Basarat Di Gayi Hai
(Sunan Abu Dawood Hd.no-4632, Jamee Tirmizi Hd.no-3747)

2) Nabi S.A.W Ne Farmaya Tum Jannati Ho Aur Tumhari Imtihan Allah Ek Kahar(Calamity) Ke Zariye Lega
(Sahih Bukhari Jild 8, Hd.no-235)

3) Hzrat Abu Hurairah Raz Se Marvi He Ke Nabi S.A.W ne farmaya-” Jannat me harr nabi ka ek sathi hoga aur jannat me mera sathi Usman Bin Affan Razi Hoga..
(Sunan Ibn Majah Abwabo Fazail E Ashaab E Rasool S.A.W Hd.no-109)

HAZRAT ALI BIN ABI TALIB (RDH.) :

Chauthe Khalifatul Muslimeen Bane Hazrat Ali Bin Abi Talib Razi Allahu Tallanhu
Inka Naam Ali Bin Abu Talib Ibn Abd Al-Muttalib Hai
Walida Ka Naam Fatima bint Asad Hai
10 Saal Ke Umar Me Islam Kubul Kiya Tha..
Allah Ke Rasool Salallahu Alaihi Wasallam Ke Chacha Zaat Bhai Aur Damad Hain Ali Razi Allahu Talla Anhu
Inka Laqab Bohot Hain Jaise Ali Al-Murtaza, Bab-E-Madinatul -Ilm, Abu Turab(Mitti Wala) , Asadullah(Sher-E-Khuda), Haider…
Usman Bin Affan Razi Ke Baad 5 Saal Khilafat Ki.
Ali Razi Ki Wafat San 40 Hijri, 21vi Ramzan Me Hui..
(Tareekh Tabari Jild 39, Safa 37-40)

Shaan Me Kuch Ahadeesen..
1) Allah Ke Rasool Sallallahu Alaihi Wasallam Ne Inko Duniya Me Jannat Ki Basharat Di Hai(Ashara Mubashara Bil Jannah Mese Hain)
(Sunan Abu Dawood Hd.no-4632, Jamee Tirmizi Hd.no-3747)

2) Allah Ke Rasool Sallallahu Alaihi Wasallam Ne Farmaya-Jisne Ali Razi Ki Farma Bardari Ki Usne Meri Farma Bardari Ki..
(Mustadarak Hakim Jild 1 Safa 121)

Wallahu’Allam..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s