Imaam E Azam ABU HANEEFA (RH.)

Imam Abu Haneefa Nouman Bin Sabit Koofi Rahimahullah Ki Zindagi.

♥ SAHER KOOFA KI ILMI FAZEELAT

Koofa Me 1500 Sahaba Ikraam Razi Allahu Anhum Tashreef Laye The..
(Kitab Al Asmaa Wal Kuni 1/174)

Imam Ibn Sa’ad Rah Likhtey Hain-Sahaba Rizwanullahi Ajmaeen ki Badi Tadat Koofa Me Rehta Tha, 500 Se Zyada Sahaba Razi Koofa Me Rehte The Yehi Wajah Hai Ke Umar Bin Khattab Razi Ne Koofa Ko Ilm Ke Khazaana Ka Miyaar Kaha..
(Tabaqaat Ibn Sa’ad Jild 6, Ba’ab-Koofa)

Hazrat Ali Aur Ibne Masood Razi Allahu Anhuma Jaise Jaleelul Qadr Sahaba Koofa Me Kaiyi Saal Qiyam Farmaya..
(Siyar E Sahaba 7/600)

Jiski Badolat Ye Shahar Makke
Mukarrama Aur Madine Tayyaba Ki Tarah. Quran Wa Hadees Ke Uloom Ka Itna Bada Markaz Ban Chukka Tha Ke Imam Bukhari Rah. Ne Ilm
Ehadees Ke Liye Beshumar Martaba Koofa Ka Safar Farmaya…
(Hadi Us Saari 663)

Saheeh Bukhari Aur Saheeh Muslim Ke Sainkdo Muhaddiseen Koofa Hi Ke Bashinde The. Imam Abu Haneefa Rah. Ne Koofa , Makkah, Madina Waghair Ke Taqreeban 4000 Ulama Wa Muhaddiseen Se Quran O Hadees Ki Taleem Hasil Farmayi Jin Me Sab Se Mashoor Hazrat Hammad Rh. Hain, Hammad Rah. Ke Ustaad Ibrahim Nakhee Rah. Hain,Unke Ustaad Hazrat Alqama Rah. Hai Aur Unke Ustad Hazrat Abdullah Bin Masood Razi Allahu Anhu , Hazrat Umar Farooq Razi Allahu Anhu Jaise Azeem Sahaba Ikraam Hain…

♥ TAREEKH-E- PAIDAIS AUR NASSAB…

Pura Naam
ﻧﻌﻤﺎﻥ ﺑﻦ ﺛﺎﺑﺖ ﺑﻦ ﺯﻭﻃﺎ ﺑﻦ ﻣﺮﺯﺑﺎﻥ
Nauman Bin Sabit Bin Zuti Bin Marzaban..

Hazrat Umar Farooq Razi Allahu Anhu Ke Abaad Kiye Hue Shahar Koofa Me 80 Hijri Me Imam Abu Haneefa Rahimahullah Paida Huye.

Imam Abu Haneefa Rah Ka Asal Naam Noman Aur Walid Ka Naam Sabit Hai. Hazrat Sabit Rah Aur Unki Aulaad Ke Haq Me Hazrat Ali Razi Allahu Anhu Ne Barkat Ki Dua Farmai Thi. Imam Abu Haneefa Rah. Ko Aksar Ulama Ne Tabaeen Me Shumar Kiya Hai
(Dekhiye Al Bidaya Wan Nihaya 10/527)

App Abu Haneefa Rah Ke Naam Se Mashoor Hain, Jiski Ulama Mukhtalif Wajhe Bayaan Karte Hain Jo Darjeh Zail Hai..

Allama Muhammad Bin Yusuf Salehi Damishqi Shafi Rah Farmate Hain Ke Iraqi Zubaan Me Haneefa Dawat Ko Kehte Hain, Chunke Imaam Sab Apne Sath Har Waqt Dawat Rakhte The Isliye Log Apko Abu Haneefa(Dawat Wala) Kehne Lage..
(Uqoodul Jamaan)

Note-“Arbi Zuban Me Abu Ke Mane Sirf Walid Ya Baap Nahi Hota Bulke “Wala” Bhi Hota Hai Aur Beshumar Sahaba Ke Naam Ki Nisbaat Wala Se Ki Gayi Hai Misaal Ke Taur Par, Jaise Hazrat Abu Hurairah(Billi Wala), Abu Bakar(Pahel Karne Wala), Abu Safina(Kasti Wala) Wagairah…”

Imam Abu Hanefa Rah Ke Potreh Ka Naam Tha Umar Bin Hammad Bin Nauman Bin Sabit Aur Yeh Ameerul Momineen Fil Hadees The, Aur Imam Bukhari Rahi Ke Walid Ke Ustaad The..
(Khairaatul Hassan Lil Ibn Hajar Haismi Rah, Umdatul Qari Sharah Sahih Bukhari)

♥ IBADAT, HADEES AUR TAQWE KA HAAL

Allama Tabarani Rah Farmate Hain-“Yani Yeh Baat Bilkul Marrof-o-Mashoor Hai Ke Abu Haneefa Rah Ne 4000 Asaateza Aur Buland Martaba Aimma Se Shagird Ka Sharf Haasil Kiya..
(Muajjam Al-Kabeer Lit Tabarani Jild 3, Safa 55)

Imam Abu Hanefah Rah Ne 83,000 Masail Apni Zuban Se Bayaan Kiye Jinme 38,000 Ibadat Se Talooq Rakhte Hain Aur 45,000 Mamlaat Se..
(Tareekh-E-Dawaat-o-Azeemat)

Imam Abu Haneefah Rah Ko 7 Lakh Se Zyada Hadeese Zubani Yaad Thi..
(Kitabaen Ke Muqaddah)

Asad Ibn Amr Se Manqool Hai Ke-“Abu Haneefah Rah, Esha Ke Wazoo Se Fajr Ki Namaz 40 Saal Tak Parha Hai..
(Siyar Alammul Nubula Jild 6, Safa 399)

Qazi Abu Yusuf Rah Farmate He-Abu Haneefah Rah Raaton Me Jaage Huye Hote Aur Saari Raat Namaaz Aur Dua Me Mashgool Rehte The..
(Siyar Alammul Nubula 6/399, Tehzeeb Ul Kamaal 29/435, Tehzeeb Ut-Tehzeeb 10/450, Tehzeeb ul Asmaa Safa 378,Raqam-771, Tareekh E Baghdad 6/485,
Dr. Bashar Ne Sanad Ko Sahih Kaha Hai)

Ibn Ishaq Al-Samarqandi Rah Se Riwayat Hai Ke Qazi Abu Yusuf Rah Ne Farmaya-” Abu Haneefah Harr Raat Ek Rakat Me Quraan Khatam Farmate The..
(Siyaar Alammul Nubula 6/400, Tehzeeb Ul Kamaal 29/434, Tehzeeb Al-Asmaa Safa 378, Raqam-771)

Masr Ibn Kadam Farmate He Meine Abu hanifah Rah Ko Dekha, Ek Rakaat Me Pura Quraan Khatam Kardete The..
(Siyaar Alammul Nubula 6/401, Tehzeeb Al-Asmaa Safa 377, Raqam-771)

Yahya Ibn Ayyub Al-Zahid(Sihasitta Ke Raavi Hain) Farmate Hain-“Raaton Ko Abu Haneefa Soya Nahi Karte The(Ibadat Me Masguliyat Ke Wajah Se)
(Tareekh-E-Baghdad Jild 15, Safa 483, Dr. Bashhar Awwad Ma’ruf Ne Sanad Ko Sahih Likha)

♥ IMAM ABU HANIFA RAHIMAHULLAH KE SHAGIRD JO KUTUB-E-SIHASITTAH KE RIJAAL HAIN..

1) Imam jaleel abdullah bin mubarak marozi..
2) Yahya bin saeed al qattaan alhanfi
3)Muaalla’a bin mansoor(Sahib e Ashaab e Salasah)
4) Abu aasim nabeel zahaak bin mukhallad
5)Muhammad bin abdullah bin
masna’a al ansari(Sahib e Zufer wa abi Yousuf)
6) Makki bin ibraheem balkhi(Sahib e Abi Hanifa Moutasib)(RAAVI SALAASIYAAT LIL BUKHARI)
7) Naeem bin hammad khizayi al faariz
8)Hussain bin ibraheem ashkaab
9) Umar bin hafs bin ghayaas ( Sheikhul Bukhari)
10) Sheikh Fuzail bin ayaaz-Shagird Abu Hanifah Rah-Ustaad Shafayi Rah-Raavi Sahihain
11) Yahya bin moin-Imam Jarah o Tadeel-Hanfi Ghaali..
12) Wakee’e bin jiraah-Sheikh Imam Shafayi Rah-Sahib e Ashaab e Salasah..
13) Yahya bin saleh o haatini- Humsafer Imam Muhammad ilaa Imam Malik
14) Yousuf bin behlool-Ravi Sahih Bukhari
15) Abdullah bin dawood al khuraibi
16) Ibraheem bin Taahmaan
17) Jureer bin abdul hameen bin qart
18) Hasan bin saleh-Ravi Bukhari Wa Muslim
19) Hafs bin ghayaas
20) Dawood bin rasheed-Ravi Bukhari Bil Wasta
21) Zaidah bin Qadamah-Ravi Sahih bukhari wa muslim
22) Yahya bin zakariya wa zakariya bin abi zaidah-Kaatib Abi Hanifah
23) Zubair bin muavia-Sahib e Abi Hanifah Rah
24) Muhammad bin fuzail
25) Mugeerah bin maqsam
26) Yazeed bin haroon Al Wasit
(Muqadmah la ma’al ul duri , Tabyaz ul saheefah lil Suyuti Safa-140)

♥ IMAM ABU HANEEFA RAHIMAHULLAH TA’ABI THE..

1) Imam Muhammab Bin Ishaaq Ibn Nadeem Rahimatullah farmate hai,
“Imam Abu Hanifa Rahimatullah Taba’een me se the, Muta’addad Sahaba IKram se unki mulaqat hui.”
(Al-Fehrist lil Ibne Nadeem, Pg:298)

2) Imam Ibne Kaseer Rahimatullah farmate hai-“Imam Abu Hanifa
Rahimatullah ne sahabae kiraam ka daur paaya hai, aur Sahabi e Rasul Hazrat Anas Bin Malik Razi. ki ziyarat bhi ki hai.”
(Al-Bidayah Wan Nihayah, Jild;10 Safa:107)

3) Imam Ibne Abdul Barr Maaliki Rahimatullah farmate hai, “Imam Abu Hanifa Rahimatullah ne Hazrat Anas bin Malik Aur Hazrat Abdullah
Bin Al Haaris Rad. ki ziyarat ki aur unse hadeese mubarak ko suna bhi he.”
(Jamia Bayanul Ilm, Jild:1 Safa:45)

4) Allamah Zahbi Rahimatullah farmate hai, “yeh baat saheeh taur par sabit hai ke Imam Abu Hanifa
Rahimatullah Hazrat Anas Razi ko dekha hai.”
(Manaaqibul Ahkaam Abi Haneefa Wa Sahibayh, Safa:7)

5) Hafiz Ibn Hajar Asqalani Farmate Hain-“Imam Abu Haneefa Rah Ki Wiladat San 80 Hijri Me Hui Thi Aur Uss Waqt Sayyidina Abdullah Ibn Abi Awfa Razi Allahu Talla Anhu Koofa Me Rehte The..
(Tehzeeb Ut-Tehzeeb Jild 10 Safa 449)

6) Allama Zehbi Rah Likhte He Jab Anas Bin Malik Raz Koofa Tashreef Laye Toh Imam Abu Haneefa Rah Se Mulaqat Hui Aur Unhone Anas Bin Malik Razi Ki Kaye Martaba Ziyarat Ki..
(Tazkiratul Huffaz Baab 163, Jild 1 Safa 147)

7) Bohot Sare Muhaddiseen Ne Imam Abu Hanifa Rah Ko Tabaieen Me Shumar Kiya Hai..
(Tazkirah Muhaddiseen Jild 1 Safa 5)

8) Allama Jalaluddin Suyuti Rah Likhte Hain Ke Imam Abu Haneefa Rah Ne Sahaba Mese Inlogo Ki Ziyarat Ki Hai- Anas Bin Malik, Abdullah Ibn Abi Awfa, Abdullah Bin Haris, Abdullah Ibn Unais, Wasila Bin Asqa, Ayesha Bint Ajrad, Muaqal Bin Yasar Razi Allahu Tallanhu..
(Tabyeedul Sahifah, Dars Sunan Tirmizi Jild 1, Safa 92)

9) Imam Mizzi Rah Farmate He Imam Abu Haneefah Rah Ne Hazrat Anas Bin Malik Razi Allahu Tallanhu Ko Dekha Hai..
(Tehzeeb Ul-Kamaal Lil Mizzi)

10) Hafiz Khateeb Baghdadi Rah Ne Bhi Kaha Ke Unhone Hazrat Anas Raz Ki Ziyarat Ki
(Tareekh E Baghdad)

11) Imam Nawawi As-Shafi Rah Ne Bhi yehi Kaha Ke Anas Bin Malik Razi Ki Ziyarat Imam Abu Haneefa Rah Ne Ki Aur Tabaeen Hain..
(Tehzeeb Al-Asmaa Wa Al-Lughat Raqam-771)

12) Imam Jauzi Rah Farmate he Imam Abu Hanifah Rah Ne Anas Bin Malik Razi Allahu Tallanhu Ko Dekha Hai..
(Tazkirat Al-Rashid Safa-281)

13) Imam Muhammad Ibn Sa’ad Rah farmate he imam abu haneefah rah ne Anas Raz Aur Abdullah ibn Haris Ibn Jaz’al- Zubaidi Razi Ko Dekha tha..
(Al-Jawhar Al-Mudiyyah Fii Tabaqaat Al Hanafiyyah 1/273)

14) Imam Jazari Al-Turbushti Rah
15) Imam Al-Yafi’i Rah Aur
16) Imam Hafiz Abdul Ghani Al-Maqdisi Ne Al-Kamil Fi Asma Al Rijaal Me Farmate He Imam Abu Haneefa Rah Ne Anas Bin Malik Raz Aur Dusre Sahaba Ikraam Ki Ziyarat Ki Hai..
(Tazkeerat Al Rashid Safa 280,427)

17) Allama Aini Hanfi Rah Ne Imam Abu Haneefa Rah Ko Tabaeen Me Shumaar Kiya..
(Tazkeraat Al-Rashid Safa 281)

18) Allama Ahmad Al-Qastullani Rah Ne Imam Abu Haneefa Rah Ko Tabain Kaha..
(Sharh Sahih Bukhari lil Qastullani, Baabul Wujub Al-Salati Fi Al-Siyab)

Mazeed Dalail Ke Liye Dekhiye…
[Abu Haneefah Wa Ashabuhul Muhaddiseen Idarat Al-Qur’an Wal Ulum Al-Islamiyah Safa 6-11, Edition-1427 Hijri]

♥ IMAM ABU HANEEFA RAHIMAHULLAH KI SAKSHIYAT MUHADDISEEN KI NAZAR ME..

1) Yahya Bin Qattan Rah. Farmate Hain Ke:”Hum Khuda Ke Samne Jhoot Nahi Bol Sakte, Waqai Baat Ye Hai Ke Abu Haneefa Rah. Se Behter Fiqh Humne Kisi Ki Nahi Suni Isliye Unke Aksar Aqwaal Humne Ikhtiyar Kiye Hain..
(Manaqib Zahbi Safa 19)

2) Imam Bukhari Ke Ustaad Makki Bin Ibrahim Rah. Farmate Hain Ke:”Imam Abu Haneefa Apne Zamane Ke Sab Se Bade Aalim The..
(Manaqeeb Zahbi 19)

3) Hazrat Wakee Rah- Imam Abu Haneefa Rah. Ke Qaul Ke Mutabiq
Fatwa Dete The, Abu Haneefa Rah. Ki Tamam Hadeesen Wakee’ Rah. Ko Yaad Thi Aur Unho Ne Imam Sahib Se Bhot Saari Hadeesen Suni Thi..(Jame Bayanul Ilm 2/183)

4) Ilm E Hadees Ke Sutoon Yahya
Bin Moin Rah. Farmate Hain-Imam Abu Haneefa Rah. Hadees Aur Fiqh Me Qabil Bharosa Aur Sache The, Allah Ta’la Ke Deen Ke Bare Me
Qaabil E Aetemad The.”
(Khairaatul Hisaan: 350)

5) Imamul Muhaddiseen Hazrat
Abdullah Bin Mubarak Rah. Farmate The-“Imam Abu Haneefa Rah.
Haafiz, Fiqh, Ilm E Hadees,Parhezgari Aur Taqwa Me Sab Se Aage The”
(Manaqib Imam Azam 1/229)

6) Muhammad Ibn Saad Alawfi Farmate Hain Ke Mai Ne Ibn Maeen (Rah) Ko Farmate Huwe Suna Ke Imam Abu Hanifah (Rah) Siqah (Qaqbil E Aitemad) Hain, Wo Jis Hadees Ko Mahfooz Kiye Wahi Hadees Bayan Karte Hain Aur Jis Ko
Mahfooz Nahi Kiye Us Ko Bayan Nahi Karte…
(Manaqeeb Imam Abu Haneefa Liz Zehbi Safa 45)

7) Saleh Bin Muhammad Alasadi
Ibn Maeen (Rah) Se Rivayat Karte Hain Ke Imam Abu Hanifah (Rah) Hadees Me Siqah (Qaqbil E Aitemad) Hain..

8) Ahmad Ibn Muhammad Ibn Al-Qasim Ibn Muharriz Riwayat Karte He Ke Yahya Ibn Maeen (Rah) Kahte Hain Ke Imam Abu Hanifah (Rah) Ke Hadees Me Koi Kamzoori Nahi Hai,Aur Farmaya Ke Imam Abu Hanifah (Rah) Hamare Nazdeek Sachchon Me Se Hain Un Ko Jhoot Ke Sath Muttahm Nahi Kiya Jaasakta , Aur Ibn Hubaira Ne Qazi Banana Chaha ,Tu Unhone Qazi Bane
Se Inkar Kar Diya…
(Siyar Alam Al-Nubala Jild 6, Safa 395, Tehzeeb Ul Kamaal Jild 29, Safa 429)

9) Abu Wahab Muhammad Bin Muzahim Farmate Hain Ke Mai Ne Abdullah bin Mubarak (Rah) Ko Farmaate Huwe Suna Ke Logon Me Sab Se Bade Faqeeh Imam Abu Hanifah (Rah) Hain Mai Ne Un Ki
Tarah Koi Faqeeh Nahi Dekha , Aur Farmate Ke Agar Allah (Swa) Imam Abu Hanifah (Rah) Sufiyan (Rah) Ke Zaria Meri Madad Na Karta Tu Mai
Aam Logon Ki Tarah Hota..

10) Ibn Abi Khaisama Farmate Hain Ke Humse Sulaiman Ibn Abi Shaik Ne Bayan Kiya Ke Imam Abu Hanifah (Rah) Muttaqi Aur Sakhi Aadmi Hain.

11) Ibn Isa Ibn Tabba Rivayat Karte Hain Ke Mai Ne Rwh Ibn Ubadah Ko Farmate Huwe Suna Ke Wo Ibn Juraij Ke Pas The San 150hijri Me Us Waqt Unke Pas Imam Abu Hanifah (Rah) Ke Inteqal Ki Khabar Pahubchi, Tu Unhone Innalillah Padha Aur Gham Ka Izhar Kiya, Aur Farmaya Bahot
Bada Ilm Chalagaya , Aur Usi Sal Ibn Juraij Ka Bhi Inteqal Hogaya..

12) Yahya Ibn Maeen (Rah) Farmate Hain Ke Maine Yahya Bin Sayeed Qattan (Rah) Farmate Huwe Suna
Allah Ki Qasam Hum Ne Imam Abu Hanifah (Rah) Se Behtar Kisi Ki Raiye Nahi Suna Aur Hum Unke Aksar Aqwal Par Amal Karte Hain…

13) Rabee Aur Harmalah Farmate
Hain Ke Hum Ne Imam Shafae(Rah) Ko Farmate Huwe Suna Ke Log Fiqah Me Imam Abu Hanifah (Rah) Ke Bachchon Ki Tarah Hain..
(Tehzeeb At Tehzeeb Jild 4 Safa- 229,230
Scan Page

Tahzeeb Al Kamaal Jild 29 Safa-424
Scan Page

Tareekh E Baghdad Jild 15 Safa 580,581
Scan Page

Tareekh E Kabeer Lil Bukhari Jild 8 Safa 81)
Scan Page

14) Muhaddis Sufyaan Bin Uyaina Rah Farmate He-“Meri Ankho Ne Imam Abu Haneefa Rah Jaisa Kisiko Nahi Dekha”
(Tareekh-E-Baghdad Jild 15, Safa-460)

15) Imam Abu Dawood Rah Ne Farmaya-“Allah Imam Abu Haneefa Rah Par Rahem Farmaye Woh Imaam The..
(Manaqeeb Imam Abu Haneefa Safa 46, Ibn Abdul Barr Al Inteqah Safa 32 Ghair Muqallid Zubair Ali Zai Ne Sanad Ko Sahih Kaha)

16) Imaam Ahle Sunnat Imam Ahmed Bin Hambal Rah Farmate Hain-“Imam Abu Haneefa Rah Ashaab-E-Warah Aur Ashaab-E-Zuhad Mese Hain Aur Akhirat Ko Dunya Par Tarjeeh Dene Me Unka Jo Maqaam Hai Usme Koi Unka Hamsir Nahi..
(Al Khairaatul Hisaan Safa 85)

17) Yazeed Bin Haroon Al-Wasit Rah Farmate He-“Mene Kayin Logo Ko Dekha Hai, Magar Abu Hanifa Jaisa Aqalmand, Behtareen Aur Taqwa Parezgar Na Dekha..
(Tareekh Baghdad Jild 13 Safa 364, Zubair Ali Zai Marhoom Ne Sanad Ko Sahih Kaha)

18) Imam Hakim Rah Ne Inko Iraq Ke Muhaddiseen Me Shamil Kiya Hai..
(Ma’rifatu U’loomil Hadees Safa 245, Darrul Kutb Ilmiyah Beirot, Lebanon)

19) Imam Abdullah Bin Mubarak Rah Farmate Hain Ke Agar Kisi Masle Pe Imam Sufyaan(Sauri) Aur Imam Abu Hanifa Rah Ka Ittefaq Hojaye Toh Kiski Itni Majal(Takat) Ke Unke Khilaff Fatwa De!!
(Tareekh Baghdad 13/343)

20) Imam Ibn Kaseer Rah Imam Abu Haneefa Rah Ke Tariff Karte Huye Likhte Hain-“Faqeehul Iraaq, Islaam Ke Azeem Muhaddis Aur Imam Phir Unki Tarif Ek Safa Me Ki
(Al-Bidayah Wal Nihayah 10/110)

21) Imam Yahya Bin Ma’een Rah Farmate Hain Ke Meine Bohot Sari Ahadees Abu Hanifah Se Suni He..
(Illa Us-Sunnah 19/315)

22) Yahya Bin Qattan Rah Jo Sahih Bukhari Wa Muslim Ke Raavi He Farmate Hain-“Ham Abu Hanifah Rah Ke Majlis Me Baitha Karte The Aur Unki Baat Suna Karte The. Jab Me Unki Taraf Dekhta Toh Mujhe Unke Cehre Me Khuda Ka Darr Mehsoos Hota..
(Tareekh Baghdad 15/482, Dr. Bashshar Awwad Maruf Ne Sanad Ko Hasan Kaha)

23) Imaam Ibn Hajar Asqalani Rah Farmate Hain- Beshumar Taadel Paaye Jati Hain Imam Abu Haneefah Rah Ki.. Allah Unko Jannatul Firdous Me Jagah De… Ameeen
(Tehzeeb ut Tehzeeb 10/452)

24) Sanad
Al Khallal-Al Hariri-Al Nakhai-Umar Ibn Shihab Al Abdi-Jandal Ibn Waliq-Muhammad Ibn Bishr-Imam Sufyaan sauri Rah
Matan
Imam Sufyaan Sauri Rah Farmate Hain Ke Imam Abu Ganifah Rah Duniyah Ke Sabse Afzal Aur Behtar Faqeeh Hain..
(Tareekh-E-Baghdad 15/471, Sahih Sanad)

25) Jarir Kehte He, Mughairah Ne Mujhse Farmaya Abu Hanifah Rah Ke Sath Baitha Karo Tumko Fiqh Ki Samajh Hasil Hoge. Agar Ibraheem Naqai Rah Zinda Hote Toh Vo Bhi Unke Majlis Me Baithte Hote..
(Siyar Alamul Nubula Jild 6,Safa 403)

26) Ali Ibn Asim Rah Ne Farmaya-Agar Imaam Abu Haneefah Rah Ke Ilm Ko Aur Pure Zamane Ke Ilm Ko Agar Tollah Jaye Toh Imam Abu Haneefah Rah Ka Ilm Sabse Zyada Aur Bhari Hoga..
(Siyar Alammul Nubula Jild 6,safa 403, Tehzeeb Ul Asma Safa 379, Raqam-771)

27) Nasar Bin Ali Al Ne Kaha Ke Meine Ibn Dawood Rah Se Suna Ke- Log Abu Haneefah Rah Se Ya Toh Jalte(Hiras) He Ya Bughz Rakhte Hain..
(Tehzeeb Ul-Kamaal Jild 29, Safa-441, Tehzeeb Ut-Tehzeeb Jild 10, Safa 451)

28) Abu Muaviyah Al-Dharir Farmate He-“Abu Haneefah Se Muhabbat Sunnat Se Hai”
(Siyar Alammul Nubula Jild 6,Safa-401)

29) Imam Malik Rah Farmate He-“Abu Haneefah Ne mere Pasina Nikaldiyah, Woh Beshaq Ek Faqeeh Hai..
(Tarteeb Al-Madareek Lil Ayaz Maliki Jild 1, Safa 62)

30) Imam Shafii Rah Farmate he Ke, Imam Malik Rah Se Pucha Gaya Kya apne Abu Haneefah Rah Ko Dekha Hai? Unhone(Imam Malik) Farmaya-“Haan, Meine Ek Shakhs Ko Dekha Agar Woh yeh Sutun(Pillar) Ke Bareme Kahe Ke Yeh Sonah(Gold) Ka Hai Toh Woh Apne Dalilon Se Isse Sabit Kardega..
(Siyar Alammul Nubula 6/399, Tehzeeb Ul Kamaal Jild 29, Safa 429, Manaqeeb Imam Abi Haneefah Liz Zehbi Safa 30-31)

31) Imam A’mash Jo Sahih Bukhari Wa Muslim Ke Raavi He, Ke Unse Ek Masla Pucha Gaya Toh Unhone Farmaya-“Sirf Nauman Bin Sabit Iska Jawab Desakta Hai Yeh Shakhs Bada Ilm Wala He…
(Siyar Alammul Nubula Jild 6,Safa 403)

32) Hiyyan Ibn Musa Al-Marwazi Rah Farmate Hain-“Abdullah Ibn Mubarak Rah Se Pucha Gaya Fiqah Me Sabse Zyada Ilm Wala Kaun Hai? Imam Malik Ya Abu Hanefah Rah? Toh Jawab Diya-“Abu Haneefah”
(Manaqeeb Al Imam Abi Hanifah Liz Zehbi Safa-32)

33) Abdaan Farmate He Ke Unhone Abdullah Ibn Mubarak Rah Ko Farmate Huye Suna-“Log Jab Hazrat Abu Hanefah Ka Zikr Burai Se Karte Hsin Toh Mujhe Boht Sadma Hota Hai Aur Mujhe Andesha Hota Hai Ke Unpar Allah Ka Ghazzab Toot parhega..
(Manaqeeb Al Imam Abi Haneefah Kiz Zehbi Safa 22)

34) Abdullah Ibn Mubarak Rah Farmate He-“Agar Kisi Shakhs Ke Qaul Par Chala jaye Toh Woh Qaul Imaam Abu Haneefah Rah Ka Hoga..
(Manaqeeb Al Imam Abi Hanifah Safa 31)

35) Abdullah Ibn Mubarak Rah Farmate He-“Imam Abu Hanifah Rah Ko Rozana Dekha Karta Tha Ke Harr Din Woh Acche Aur Sacche Hote Jate The Aur woh Ek Ilm Ka Samandar The..
(Tehzeeb Ul-Kamaal 29/441)

36) Imam Al-Khuraybi Rah Farmaya-“Sirf Hirsi Aur Jahil Log Abu Hanifah Ko Bura Kahenge..
(Siyar Alammul Nubula Jild 6,Safa 402)

37) Allama Ibn Khaldoon Rah (Muarrikh-E-Islaam) Likhte Hain-” Fiqh Me Imam Abu Hanifah Rah Ka Muqaam Itna Buland Hai Ke koi Dusra Unka Nazeer Nahi Hosakta Aur Unke Hum Asar Ulama Me Unki Iss Fazeelat Ka Iqrar Kiya Hai, Khusoosan Imam Malik Rah Aur Imam Shafii Rah Ne
(Muqaddamah Ibn Khaldoon Safa-565)

38) Imam Ayyub Sakhtiyani Rah Ne Hammad Bin Zaid Rah Ko Farmaya Ke-“Mujhe Khabar Mili He Ke Kufa Ka Ek Faqeeh Abu Hanifah Hajj Ka Irada Karte He, Toh Jab Tum Unse Milo Toh Unko Mera Salaam Kehna..
(Al-Inteqah Li Ibne Barr Safa 195)

39) Misar Bin Kidaam Rah Farmatey He Ke-“Allah Talla Abu Hanedfah Rah Par Rahem Farmaye Ke Woh Faqeeh Aur Aalim The”
(Al-Inteqah Li Ibne Abdul Barr Sada 195)

40) Jab Shoba Bin Hajjaj Rah Ke Pass Imam Abu hanifah Rah Ki Wisal Ki Khabar Pahunchi Toh Dhoba Rah Ne Farmaya-“Tehqeeq Unke Sath Kufa Ka Fiqh Chala Gaya, Allah Talla Hum Par Aur Unpar Apni Rehmat Se Fazl Farmaye..
(Al-Inteqah Li Ibn Barr Safa 196)

41) Imam Yahya Bin Ma’een Rah Farmate He-“Imam Abu Haneefah Rah Ke Qaul Ke Muttabiq Fatwa Deta Hu Aur Unki Riwayat Karda Ahadees Bhi Yaad Hain..
(Jamee Bayanul Ilm Lil Allama Ibn Ul Abdul Barr Jild 2 Safa 149)

42) Imam Malik Rah Farmatey Hain-“Mene Abu Hanifah Jaisa Shaks Nahi Dekha”
(Al Khairat Al Hisaan Safa 28)

43) Hafiz Ibn Taymiyyah Rah Farmate Hain-“Isme Koi Shaq Nahi Imam Abu Haneefah Rah Ke Ilm Ke Makaam Me, Logone baad Me Kayi Jhoote Ilzamat Lagaye, Jo Sareh Jhootey The.. Aur Aise Ilzaamat Unke Muqadaas Shaan Ko Giraane Ke Liye Likhe Gaye The..
(Minhaaj Al-Sunnah Al-Nabawiya Lil Ibn Taymiyyah Jild 1, Safa 259)

44) Imam Jirah Wa Ta’deel Imam Zehbi Rah Ne Imam Abu Haneefah Rah Ko Chauthe(4th) Tabaqaatul Muhaddiseen Me Shumaar Kiye He Issi Tabaqaat Me Imaam A’maash Rah Jaise Sahi Bukhari Ke Raavi Bhi Shamil Hain..
(Tabqaat Ul-Muhaddiseen,Safa 51-57)

45) Hafiz Jalaluddin Suyuti Rah Ne Inko Panchwe(5th) Tabaqaat Me Shumaar Kiya Hai Aur Unko Zabardast Siqah Qarar Diya Hai..
(Tabqaat Al-Huffaz Safa-80,81)

46) Ibn Taymiyyah Rah Likhte Jo Ahle Ilm Ahadees Aur Fiqh Ke Mahir The Vo Imam Shafi, Imam Ahmed, Imam Ishaq, Imam Abu Yusuf, Imam Abu Haneefa Rahimahullah The..
(Kitaab Al-Istegasah Safa 13)

47) Imam Da’ood Al-Tai Rah Farmate Hain-“Imam Abu Hanefah Rah Ke Pas Woh Ilm Tha Jo Musalmano Ke Dil Ko Chu Leta Tha..
(Al khairat Al-Hisaan Safa 32)

48) Imam Mis’ar Bin Kidaam Rah Farmaya Karte The-” Ke Meine Kufa Ke Faqeeh Abu Hanefah Aur Uske Fiqh Ko Behtar Paya hai..
(Tareekh-E-Baghdad Jild 14 Safa 328)

49) Imam Auza’i Rah Farmaya Karte The-“Imam Abu Haneefah Rah Ko Pechidah Masail Behtar Malum Hote The Dusre Ahle Ilm Ke Muqabileh Me.
(Manaqeeb-E-Kurdi Safa 90)

50) Khalaf Bin Ayyub (Rh.) Jo Imam Tirmizi (Rh.) Ke Ustad Ke Ustad Mese Hain Aur Mashoor Siqaah, Sudooq SHAKHIYAT Mese EK Hain.

Imaam Zahbi (Rh.) Ne Khalaf Bin Ayyub Al-Aamri (Rh.) Ke Bareme Likhte Hain: “Al-Imaam Al-Muhaddis Al-Faqeeh Mufti Al-Mashriq…..”

ﺧﻠﻒ ﺑﻦ ﺃﻳﻮﺏ ‏( ﺕ ‏)
ﺍﻹﻣﺎﻡ ﺍﻟﻤﺤﺪﺙ ﺍﻟﻔﻘﻴﻪ، ﻣﻔﺘﻲ ﺍﻟﻤﺸﺮﻕ، ﺃﺑﻮ ﺳﻌﻴﺪ ﺍﻟﻌﺎﻣﺮﻱ ﺍﻟﺒﻠﺨﻲ ﺍﻟﺤﻨﻔﻲ ﺍﻟﺰﺍﻫﺪ، ﻋﺎﻟﻢ ﺃﻫﻞ ﺑﻠﺦ. ﺗﻔﻘﻪ ﻋﻠﻰ ﺍﻟﻘﺎﺿﻲ ﺃﺑﻲ ﻳﻮﺳﻒ

[Siyar Al’am An-Nubala, Jild: 9, Safa: 542]

Khalaf Bin Ayyub (Rh.) Farmate Hain: ALLAH TA’ALA Se Ilm Hazrat Muhammad (Sallallaho Alaihe Wasallam) Ke Paas Aaya, Phir Apke Ashaab Kiraam (Rdh.) Ke Paas Aaya, Phir Tabaeen Ke Paas Aaya Phir Imaam Abu Hanifa (Rh.) Aur Unke Ashaab Ke Paas Aaya, Jo Chahe Raazi Rahe Jo Chahe Naraz Rahe.

[Tarikh-e-Baghdad, Jild: 15, Safa: 460]

Scan Page: Tareekh E Baghdad

♥ IMAM ABU HANEEFA RAHIMAHULLAH AUR QIYAAS..

Imaam Abu Haneefa Rah ka Qoul
Wo hai Jo Qur’an, Ahaadees aur Aasaar-e-Sahaaba me hai. Aur Inme na milne ki soorat me Imaam ka Qoul
Qur’an wa Ahaadees se makhaz Fiqhi Usoolo’n per mabni hota hai…

1) Yahya bin Zarleis (rahimahullah) ne farmaaya ke Main Sufyan Sauri
(rahimahullah) ki Khidmat me tha ke Ek Zi-ilm Ibaadat guzaar Shakhs aaya aur Sufyan Sauri (rahimahullah) se arz kiya: Ae Abu Abdullah.! Abu Haneefah (rahimahullah) ki Kis baat per Aap Naraaz hain.? Unhoney farmaaya:
Unki kya baat hai.? Us Buzrug ne arz kiya: Maine to Unsey Insaaf ki baat suni hai, wo keh rahe the ke, Pehle Main Allah ki Kitaab (Qur’an) ko
leta hoon, Pas Isme Agar Masla’h Na mile to Rasoolullah (sallallahu alaihi wa sallam) ki SUNNAT ko leta hoon. Agar SUNNAT-E-NABAWI
(sallallahu alaihi wa sallam) me bhi Masla’h Na mile to Sahaaba-e-Kiraam (raziallahu ta’la anhum) ke Aqwaal leta hoon, Agar woh Mukhtaleef ho (Ya’ni Ikhtilaaf ki soorat me) Kisi Ek Qoul ko leta hoon
albattah in ke Aqwaal se baahar nahi jaata ke in ka Qoul chhor kar kisi aur ka Qoul ikhtiyaar karoo’n aur agar inke Aqwaal bhi nahi milte aur Mu’aamlah Ibraheem Naqa’i,Shu’ba, Ibne Sireen, Hasan Basri, Ata’ bin Abi Rabaah aur Sayeed bin Musayyab wagherah (Taaba’een
rahmatullahi alaihim) tak pohnche to Main Khud IJTIHAAD karta hoon Jaisa ke In Hazraat Taaba’een ne
Ijtihaad kiya. Yahya bin Zarleis (rahimahullah) ne farmaaya: Sufyan Sauri (rahimahullah) Ye sun kar Chup hogaye..
(Tareekh Baghdaad, Jild 15 Safa 504)

Scan Page: Tareekh Baghdad

Tarjuma:Tareekh Baghdad

2) Imam Ibnul Qayyim Rah Farmate He-“Agar Kisi Masle Me Sahih Hadees Na Milti Sirf Zaeef Hadees Hi Hoti Toh Imaam Abu Haneefa Rah Qiyaas Se Kaam Lene Ke Bajaye Ussi Zaef Hadees Par Amal Farmate The”
(Kitaab Al Aa’lamul Muwwaqi’en Jild 1, Safa 145,146, Baabul Qiyaas)
Scan Page

3) Masail Ko Haal Karne Me Imaam Abu Haneefa Rah Ka Tareeka Yeh Tha Ke Aap Rah Ke Saamne Jab Koi Maslah Pesh Hota Toh Aap Sabse Pehle Kitabullah Me Uska Hukam Talash Farmate, Agar Usme Nah mila Toh Ahadees E Rasool Sallalallahu Alaihi Wasallam Ne Nazar Karte. Agar ahadees Me bhi Na Mile Toh Sahaba Ikraam Razi Ke Aqwaal-o-Fatawon Ko Dekhte Aur Usshi Ke Muttabiq Jawab Dete Agar Sahaba Ke Darmiyan Ikhtelaf Hota Toh Abdullah Ibn Masood Razi Allahu Tallanhu Ke Qaul Ko Zada Pasand(Tarjeeh) Farmatey The…
(Rehmatullahil Wassiyah:Duwwam)
Nez Agar Sahaba Razi Ke Aqwal Me Bhi Jawab Na Milta Toh Phir Quraan Aur ahadees Ki Roshni Me Qiyaas Farmate The..
(Aimma Arba Safa 54)

4) Ghair Muqallid Zubair Ali Zai Rah Farmate Hain-“Yeh Baat Sabit Aur Sacch Hai Ke Imam Abu Haneefah Rah Ne (Qiyaas Ke Muqableh Me) Ahadees Ko Zada Tarjeeh Di Hai..
(Deen Me Taqleed Ka Maslah Safa-21)

5) Aur Jagah Likhte He Marhoom Zubair Ali Zai Rah Ke-“Imam Abu haneefah Rah Ko Ahadees Se Muhabbat Thi..
(Majallah Safa 10,No-96)

6) Ghair Muqallid Shaikhul Albani Rah Farmate He-“Imam Abu Haneefah Rah Ne Ahadeeso Ko Ikhtiyaar Kiya Tha”
(Sifatun Salaatun Nabi S.A.W Lil Albani)

♥ WAFAAT KI HAQEEQAT

San 150 Hijri Me Imam Azam Rah Ki Wafat Hui Aur Saheedi martaba Hasil Hua..

Muhaddis Abu Abdullah Al-Saymani Rah Farmatey He-“Abu Hanefah Rah Ne Qazi Bannese Inkar Kar Diya, Jisse Inko Marrah Gaya, Jail Me Rakha Gaya Aur Wafat Unki Jail Me He Hui…
(Siyar Alammul Nubula 6/402)

San 150 Hijri Me Imaam Abu Haneefah Rah Ki Wafat Zehar Dene Ke Wajah Se hui, Kisine Zehar dekar Saheed Kiya Tab Unki Umr 70 Saal Thi..
(Siyaar Alammul Nabula 6/403)

Khalifah al-Mansur ne Inko Jail Me Zeher Ka Payla Zabardasti Diya Jisse Unko Zeher Ka Asaar Hua Aur Sajde Me Girpadhe Aur Issi Halat Me wafat Hui..
(Tareekh Al-Islam jild 2, Safa 287, Darrussalam)

San 15 Rajab, 150 Hijri Woh Tareekh Thi Jab Unki Wafat Hui Unke Janaze Ki Namaaz 6 Martaba Parhi Gayi Kyuki Harr Sehar Se Unke Followers Ate Gaye Kul 50,000 Log Janaze Ki Namaaz Me Shamil The..
(Tazkiraatul Huffaz, Tareekh Ibn Kaseer, Baab-Imam Abu Haneefah Rah Ki Zindage Ke Tarruf)

Allah Imam Abu Haneefah Rahimahullah Ko unke Shaan Ke Muttabiq Jannatul Firdous Me Jagah Aata Farma..

Ameen..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s