Imam Abu Dawud (Rh) Aur Imam Munziri (Rh) Ka Hadees Me Suqoot Karna Hadees Ki Tasheeh Hoti Hai

Ghair Muqallideen ke Nazdeek Imam Abu Dawud Rh. ( Al Mutawaffa 275 Hijri ) Ka Sukoot Riwayat Ke Saheeh Aur Uske Tamaam Raavi Imam Abu dawud (Rh.) Ke Nazdeek Siqaah Hone Ki Daleel Hai Aur Issi Tarah Imam Munziri Rh. (Al Mutawaffa 656 Hijri ) Ka Sukoot Bhi Unke Nazdik Hujjat hai..

Hawalaat Mulaaheza Farmaaye:

1. Ghair Muqallideen ke Mujtahid Qazi Shaukaani (Rh.) Ek Maqaam par Farmaate Hain Ke
Imam Abu Dawud (Rh.) aur Imam Munziri (Rh.) ne us [riwayat] par Sukoot Ikhtiyaar Kiya aur Uski Sanad Ke Rijaal Imam Abu Dawud (Rh.) ke Nazdeek Siqaah Hai..

[Nail ul Autaar : Jild 1 : Safa 161, Dusra Nusqa : Jild 1 : Safa 466]

Scan Page:

Maloom huwa ke Ghair Muqallideen ke Nazdeek Imam Abu Dawud Rh. ne Jis riwayat par Sukoot Ikhtiyaar kiya, woh riwayat Ahlehadees Hazraat ke Nazdeek Saheeh aur uski riwayat ke Tamaam Rijaal bhi Imam Abu Dawud Rh. ke Nazdeek Siqaah hote hai..

2. Ghair Muqallideen ke Muhaqiq ul Asar Maulana Abdul Qaadar Hasaari Rh. Farmaate hai ke jis Hadees par unhone (Yaani Imam Abu dawud Rh. ne) Sukoot kiya, toh Yeh Hadees Qaabil e Istedlaal Banjaati hai.

[Fataawa Hasaariya : Jild 3 : Safa 14]

Scan Page:

3. Ghair Muqallid Maulana Ibrahim Sialkoti Rh. Farmaate hai ke Jis Hadees par Imam Abu Dawud Rh. ne Sukoot kiya, Use Darja e Qubooliyat diya gaya hai.

[22 Naamwar Fuqaaha wa Muhaddiseen : Safa 98]

Scan Page:

4. Maulana Shams ul Haq Azeembadi Rh. Ghair Muqallid Ek Hadees ke bare me Farmaate hai ke Is Hadees par Imam Abu Dawud Rh. aur Imam Munziri Rh. ne Sukoot kiya aur Uski Sanad Hasan hai.

[Aaun ul Ma’abood : Jild 4 : Safa 91]

Scan Page:

Jabke Shaykhul Albaani ne Usi riwayat ko Zaeef kaha hai, Jisko Maulana Shamsul Haq Azeembadi Rh. ne Imam Abu Dawud Rh. aur Imam Munziri Rh. wagaira ke qaul se Hasan Kaha hai..

[Zaeef Abi Dawud : Safa 97]

Scan Page:

Isse Pata chalta hai ke Ahle Hadees Aalim Maulana Shamsul Haq Azeembadi Rh. ke nazdeek bhi Imam Abu Dawud Rh. aur Imam Munziri Rh. ka Sukoot riwayat ke Motabar hone ki Daleel hai.

5. Isi Tarah Qazi Shaukaani Rh. Ek aur Maqaam par Farmaate hai ke Imam Abu Dawud Rh. aur Imam Munziri Rh. us riwayat par Sukoot Ikhtiyaar kiya hai, Neez Imam Abu Dawud Rh. ne Sarahat ki hai ke wo Usi Sanad par Sukoot Farmaate hai, Jo Qaabil e Aitejaaj ho aur Uski Sanad ke Rijaal Aimma e Siqaat ho. (Yaani Uski Sanad ke Raavi Siqa ho)

[Nail ul Autaar : Jild 1 : Safa 158, Dusra Nusqa : Jild 1 : Safa 456]

Scan Page:

6. Hafiz Zubair Ali Zai Sahaab Bhi Imam Munziri Rh. ko Hujjat Samjhte hai, Balke Farmaate hai ke [Unka Sukoot] Unke Nazdeek Tehseen wa Taseeh hoti hai.

[Maqaalaat : Jild 6 : Safa 141]

Scan Page:

Toh Maloom huwa ke Ghair Muqallideen ke Nazdeek Imam Abu Dawud Rh. aur Imam Munziri Rh. ka Sukoot Hujjat hai aur in Hazraat ka Sukoot riwayat ke Saheeh, Tehseen wa Taseeh aur Us riwayat ke Rijaal bhi Imam Abu Dawud rh. ke Nazdeek siqa hone ki Daleel hai.

Wallahu’Alam…

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s