Imaam Abu Hanifa (Rh.) Par KHINZEER Ke HALAAL Honeka ILZAAM Ka ILMI Jawaab

Ghair Muqallideen Naam Nihaad Ahle Hadees Aksar Imaam Bukhari (Rh.) Ke Taraf Mansoob Kitaab Al-Juzz Al-Qiraat Se Ek Hawala Pesh Karke Imaam Abu Hanifa (Rh.) Par Aiteraz Karte Hain Ke Imaam Abu Hanifa (Rh.) Ke Nazdeeq Khinzeer Halal Hai!!

Halanke Wahan Imaam Bukhari (Rh.) Ne Imaam Abu Hanifa (Rh.) Ka Naam Nahi Likha Aur Na He Khinzeer Ko Halaal Kehne Wale Ka Naam Maujood Hai.

Chunanche Puri Ibaarat Mulaiza Farmayein Imaam BUKHARI (Rh.) Likhte Hain:

“Baaz Madyin Ijmaa Ne Apna Ittefaaq Is Shakhs Ke Saath Banna Raha Hai Jo Yeh Dawa Karte Hai Ke Doodh Pilane Ki Muddat Adhayi Saal (2.6 Years) Hai. Halanke Yeh Baat Kalaam Ullah Ke Sarra Sar Khilaaf Hai. Allah Ta’alla Ne Farmaya: Jo Shakhs Raza’at Puri Karana Chata Ho Iske Biwi Do Saal Tak Doodh Pilaye. Yeh Shakhs Khinzeer Ko Halaal Samjhta Hai Aur Musalmano Ke Qatle Aam Ke Jawaz Ka Qail Hai. Aur Yeh Dawa Rakhta Hai Ke Allah Ka Huqm (Amr) Pehle Aur Baad Me Sab Makhlooq Hai. Yeh Shakhs Namaz Ko Deen Nahi Samjhta..

[Juzz Al-Qiraat Khalfal Imaam, Safa: 40, 41]

Scan Page:

JAWAAB NO: 1

Pehli Baat Toh Yeh Hai Ke Imam Bukhari (Rh.) Ne Yahan Na Toh Uss Shakhs Ka Naam Bataya Hai Na Unlogo Ka Naam Zikr Kiya Hai Jinse Bukhari (Rh.) Tak Yeh Khabar Pohnchi Hai Lehaza Yaha MAJHOOL Shakhs Ko Imaam Abu Hanifa (Rh.) Kehna Aur Ghair Muttasil SANAD Pesh Karna Yeh Kam Ilmi Aur Zidd Hai.

Dusri Baat Imaam Bukhari (Rh.) Ki Paidaish San 194 Hijri Me Hui Aur Imaam E Azam Abu Hanifa (Rh.) Ki Wafat San 150 Hijri Me. Isse Baat Saaf Wazeh Hojata He Ke Iss Qaul Ki Koi ASAL Nahi Hai Aur Yeh QAUL Bhi MARDOOD Aur Ghair Mutassil Bhi Hai.

JAWAAB NO: 2

Ghair Muqallideen Ke Mashoor Muhaddis Zubair Ali Zai Ne “Nasarul Baari Fee Tehqeeq Juz Qirat Lil Bukhari” Me Is Ilzam Ka Jawab Dete Huwe Likhte Hain:

“Khinzeer Ko Halal Qarar Dene Wale Ka Naam Maujood NAHI Hai. Isse Muraad Imaam Abu Hanifa (Rh.) Nahi Hain Kyuke Yeh Marwi Hai Ke Woh Khinzeer Bari Ko Haraam Samjhte The Bulke Khinzeer Bahri (Dolphin Macchli) Bhi Inke Nazdeeq Ba-Qaul Dameeri HARAAM Hai. Khinzeer Bari Ko Halaal Samjhne Wala Koi MAJHOOL Shakhs Hai.

[Nasarul Baari Fee Tehqeeq Juz Qirat Lil Bukhari, Safa: 199]

Scan Page:

Toh Zubair Ali Zai Marhoom Ke Is Hawale Se Saabit Hogaya Ke Khinzeer Ko Halaal Kehne Wale Imaam Abu Hanifa (Rh.) Nahi Bulke Koi MAJHOOL Shakhs Hai.

ILZAAMI JAWAAB:

Khud Ghair Muqallideen Naam Nihaad Ahle Hadeeso Ke Nazdeeq Khinzeer HALAAL Aur PAAK Bhi Hai..

1. Ghair Muqallid Nawab Siddique Hasan Khan Likhte Hain:

“Khinzeer Ke Haraam Honese Iska Na-Paak Hona Saabit Nahi Jesa Ke Maa Haraam Hai Magar Na-Paak Nahi.”

[Badrul Ahilla, Safa: 16]

Scan Page:

2.Ghair Muqallid Allama Qaazi Shawkani (Rh.) Likhte Hain:

“Sab Dariyaee (Samandari) Jaanwar HALAAL Hain, Yahan Tak Ke Kutta, Khizeer Aur Saamp Bhi HALAAL Hain.”

[Neil Ul-Awtaar, Jild: 1, Safa: 27]

Scan Page:

3. Maulwi Noor Ul Hasan Bhopali Likhte Hain:”Pas Kutte, Khinzeer, Sharaab Wa Khoon Peene Wala Aur Murda Jaanwar Ke Na-Paak Hone Ka Dawa Durust Nahi.”

[Arf Ul Jaadi, Safa: 10]

Scan Page:

4. Ghair Muqallid Waheed Uz-Zaman Saheb Ne Likha: “Insaan Ke Baal, Murdar Aur Khinzeer Ke Baal, Haddiyan, Patthe, Khur Aur Singh (Horn) Sab PAAK Hain.”

[Kanzul Haqaiq, Safa: 13, Hiddayatul Mahdi]

Scan Page:

5. Ghair Muqallid Aalim Muhammad Subhi Bin Hasan Halaq Likhte Hain: “Khinzeer Ka Goost Khana Haraam Hai MAGAR Is Janwar Ke NAJAS (Na-Paak) Hone Ki Koi Dalil NAHI. Khinzeer Ki NAJAS Hone Ki Koi SAHIH Dalil Warid NAHI Hai..”

[Fiqhi Kitaab Wa Sunnat, Safa: 100, 101]

Scan Page:

Toh Ghair Muqallideen Ke Imaam Abu Hanifa (Rh.) Pe Is Aiteraaz Ka Jawab Ghair Muqallid Aalim Se He Milgaya Aur Iske Sath Ghair Muqallideen Se Guzarish Hai Ke Nawab Siddique Hasan Khan, Allama Shawkani, Waheed Uz-Zamaan Wagaira Ke In Hawalo Pe Bhi Nazar-E-Karam Farmayein Jin Ke Nazdeeq Behri Khinzeer Aur Kutta Wagairah HALAAL Hai Aur Khinzeer MAA Ki Tarah PAAK Hai !!

Min Janib: Mohsin Iqbal Bhai.

Izafah: Shk Avaiz Hanafi.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s