Firqa Ahle Hadees Ke Ulama Se Nange Sarr Namaz Padhne Ki Mu’maniat

Daur-e-Hazir Ke Naam Nihaad Ulama-e-Ghair Muqallideen Aur Unke Andhe MUQALLID Awwam Namaz Me Ba-Gair TOPI Ke Yaani NANGE SARR Namaz Padhne Ko Ghair Biddat Aur SUNNAT Tak Qarar Detey Hain.

Lekin Purane Ulama-e-Ahle Hadees In Naaye Aalimo Ke Is QAUL Ko Bekar, Bewajah Aur Khilaf-e-Shariyat Qarar De Chuke Hain.

CHAND GHAIR MUQALLIDEEN ULAMA KI ZUBANI :

1. Bani-e-Jammat Ahle Hadees Miya Nazeer Hussain Dehlawi Sahab Sawal Ke Jawab Ke Zail Me Farmate Hain :

“Imam Aur Muqtadi Dono Ko Amama Bandh Kar Namaz Parhna Jaiz Hai, Jumma Ki Namaz Ho Ya Koi Aur Namaz RasoolAllah (Sallallahu Alaihi Wasallam) Aur Sahaba (Rdh.) Bandh Kar Namaz Padhte The Is Shahanshah Ahkamul Hakimin Ne Apne Darbaar Me Hazir Hone Ke Bareme Yeh Huqm Kiya Hai Ki Tum Log Har Namaz Ke Waqt Apne Kapde Le Liya Karo Yaani Apne Kapde Pehan Kar Namaz Padha Karo Aur Kapde Me Aamama Bhi Shamil Hai Kyun Ki Aamama Ek Masnoon Kapda Hai. Farmaya Rasoolullah Sallallahu Alaihi Wassallam Ne…. Yaani Hamare Aur Mushrikeen Ke Darmiyan Yeh Fark Hai Ke Hamare Amamon Ke Neeche Topiyan Hoti Hain.”

[Fatawa Nazeeriya, Kitaab Al-Libaas, Jild: 3, Safah: 372, 373]

SCAN PAGE:

Dusre Maqam Par Miya Sahab Farmate Hain :

” ﻳَﺎ ﺑَﻨِﻲ ﺁﺩَﻡَ ﺧُﺬُﻭﺍ ﺯِﻳﻨَﺘَﻜُﻢْ ﻋِﻨْﺪَ ﻛُﻞِّ ﻣَﺴْﺠِﺪٍ…” Is Ayaat Pak Se Saabit Hua Ke TOPI Wa AMAMA Se Namaz Parhna Aula (AFZAL) Hai. Kyuki Libaas Zeenat Hai. Agar Amama Ya Topi Rahte Huye Khule Sarr Namaz Parhein Toh MAKROOH Hai…”

[Fatawa Nazeriya, Jild: 1, Safa: 240]

SCAN PAGE:

2. Mashoor Ghair Muqallid Aalim Maulana Daud Gaznavi Sahab Apne Waalid Maulana Abdul Jabbar Gaznavi Ka Farman Naqal Karte Hain Ke :

“Islam Ke Ibtedaayi (Shuru) Zamane Ko Chod Kar Jab Ki Kapdo Ki Kami Thi Uske Baad Is Aajiz Ki Nazar Se Koi Aisi Riwayat Nahi Guzri Jisme Saaf Taur Me Ho Ki Nabi (Sallallahu Alaihi Wasallam) Ne Ya Sahaba Kiram (Rdh.) Ne Masjid Me Aur Woh Bhi Namaz Ba-Jammat Me Khule Sarr Namaz Padhi Aur Ma’amool Bana Lena Dur Ki Bat Hai Isliye Is BURI RASAM Ko Jo Fail Rahi Hai BANDH Karna Chahiye Agar FASHION Ki Wajah Se KHULE SARR NAMAZ Parhi Ho Toh Namaz MAKROOH Hogi Agar AAZIZI Ke Khayal Se Padhi Jaaye Toh Yeh ESAAYION Ke Saath Musa’abiyat Hogi Aur Agar SUSTI Ki Wajah Se Hai Toh MUNAFIQON Ki Ek Aadat Se Musa’abiyat Hogi Garz Har Lihaaz Se Yeh Na-Pasandida Amal Hai..”

[Fatawa Ulama-e-Hadees, Jild: 4, Safah: 291]

[Hafta Roza Al-Ahtesaam, Jild: 11, Shumara Number: 18]

SCAN PAGE : 1

SCAN PAGE : 2

3. Mashoor Ghair Muqallid Aalim Maulana Sanaullah Amritsari Farmate Hain :

“Masnoon Namaz Ka Tareeka Wahi Hai Jo Aap Sallallahu Alaihi Wassallam Se Bildawam Saabit
Hua Hai Yani Badan Par Kapde Aur SARR Dakha Huwa Ho Pagdi (Aamama) Ya TOPI Se..”

[Fatawa Sanaiya, Jild: 1, Safah: 524, 525]

SCAN PAGE : 1

SCAN PAGE : 2

4. Ghair Muqallideen Ke Shaikhul Hadees Maulana Muhammad Ismail Salafi Sahab Likhte Hain :

“Garz Kisi Hadees Se Bhi Ba-Gair Majboori Ke Khule Sar Namaz Ki Aadat Banana Saabit NAHI Sirf Be-Amli Ya Bad-Amli Ya Susti Ki Wajah Se Yeh Riwaj Badh Raha Hai Bulki JAHIL Toh Isse Sunnat Samjh Ne Lage Hain ! (Allah Ki Panah) Aur Likhte Hain Kapda Maujood Ho Toh Khule Sarr Namaz Adda Karna Ya Zid Se Hoga Ya Kam Aqali Se”

[Fatawa Ulma-e-Hadees, Jild: 4, Safah: 286-289]

[Bahawala: Topi Wa Pagdi Se Ya Nange Sarr Namaz, Safah: 21-24]

SCAN PAGE :

5. Ghair Muqallid Maulana Abu Saeed Sharfuddin Dehlawi Sahab Sawaal Ke Jawaab Me Farmatey Hain :

“Ba-Huqm (Har Namaz Me Apna Libaas Pehno) Aur RasoolAllah (Sallallahu Alaihi Wasallam) Ke Sarr Me Amama Rakhne Se, Amama SUNNAT Hai Aur Hamesha Khule Sarr Ko Namaz Ki Aadat Banana Bhi BIDDAT Hai Aur Khilaf-e-Sunnat Hai.”

[Fatawa Sanaiya, Jild: 1, Safah: 592]

SCAN PAGE:

Dusre Maqam Par Farmatey Hain :

“Nange Sarr Namaz Toh Ho Jayegi Magar Sarr Dhapna ACCHA (Mustahab) Hai, Aap Sallallahu Alaihe Wassallam Namaz Me Aksar Imama Ya Topi Pehne Rehte The.”

[Fatawa Sanaiya, Jild: 1, Safah: 523]

SCAN PAGE:

6. Gurba Ahle Hadees Ke Maulana Abdul Sattar Likhte Hain :

“Topi Ya Amama Ke Sath Namaz Padhni BEHTAR Wa AFZAL Hai Kyun Ki Topi Aur Amama Khubsurti Ki Alamat Hai..”

[Fatawa Sattariya, Jild: 3, Safah: 59]

7. Ghair Muqallid Aalim Maulana Abdul Mazid Sohadrawi Sahab Likhte Hain :

“Khule Sar Namaz Ho Jati Hai, Magar FASHION Aur LA-PARWAHI Aur TA’ASSUB Ke Bina Par MUSTAQIL Yeh AADAT Bana Lena Jaise AAJ KAL Kaafi Ho Raha Hai Hamare Nazdeeq SAHIH NAHI Nabi Sallallahu Alaihi Wasallam Ne Khud YEH Amal NAHI Kiya.”

[Fatawa Ulma-e-Hadees, Jild: 1, Safah: 592]

[Ahle Hadees Sohadah, Jild: 15, Shumarah Number: 22]

8. Pakistan Sindh Ke Bade Mashoor Ghair Muqallid Aalim Muhib Ullah Shah Rashidi Likhte Hain :

“Yeh Kehna Ki Sarr Dhakh Ne Par Pasandida (Mustahab) Hone Ka Huqm Nahi Lagaya Ja Sakta Isse Rakimul Huruf Ko Ikhtilaf Hai Hadeeson Ki Ziyadti Se Maloom Hua Ki AKSAR Nabi Sallallahu Alaihi Wasallam AUR Sahaba Radi Allahu Taala Anhu Sarr Par Amama Bhandte Rehte Ya Sarr Par TOPIYAN Hoti Thi Aur Is Lekahk Ke Ilm Ki Hadd Tak Siwaye HAJJ Wa UMRAH Ke Koi Aysi Sahih HADEES NAHI Dekhne Me Mili Jisse Yeh Ho Ki Huzoor Sallallahu Alaihi Wasallam Khule Sarr Ghumte Phirte The Ya Kabhi Sarr-e-Mubarak Par Amama Wagairah Tha Lekin Masjid Me Aakar Amama Wagairah Utarr Kar Rakh Liya Aur Khule Sarr Namaz Padhni Shuru Ki Hum Ne Bade Bade Ulama Wa Fuzla Ko Dekha Hai Woh AQSAR Sarr DHAKK Kar Chalte Phirte Aur Namaz Parhte Hai Yeh Aaj Kal Naayi NASAL KHUSUSAN Ahle Hadees Jammat Ke AFRAAD Ne Ma’amool Bana Rakha Hai Usse Chalte Hua Yeh FASHION Ka Ibtidaah Toh Kaha Ja Sakta Hai MASNOON NAHI.”

[Al-Aitesham Lahore, Jild: 45, Marjiya: 22, Shumara Number: 27, December: 1989]

9. Ghair Muqallid Aalim Ubaid Ullah Khan Afifi Sahab Farmate Hain :

“Namaz Parhte Waqt Topi Ya Pagdi Rakhni Chaiye, Insaan Ko Nange Sirr (Namaz) Parhna Theek Nahi. (Makrooh Hai)”

[Fatawa Muhammadia, Jild: 1, Safah: 369, Tarteeb: Ghair Muqallid Mubbasir Rabbani]

10. Ghair Muqallid Maulana Ishaaq Bhaati Likhte Hain :

“Bade Bade Ulama-e-Hadees Khule Sarr Namaz Padhne Ko BURA Qaraar Detey The, Lekin Naye Daur Ke Ahle Hadees Ulama Khule Sar Namaz Padne Ke Haq Me DALILE Faraham Karte Hain.”

[Mahanama Rashad Lahore]

11. Majlis Ahle Hadees Sawdhara (Pakistan) Ke Ulama Farmatey Hain :

“…..Bataure Fashion, La-Parwahi Aur Ta’assub Ke Bina Par Mustaqil Aur Dawwam Ke Saath Yeh (Nange Sarr Namaz) Ki Addat Bana Lena Jaisa Ke Aaj Kal Dekha Ja Raha Hai, Hamare Nazdeeq Sahih Nahi. Nabi Kareem Sallallahu Alaihi Wassallam Ne Khud Yeh AMAL NAHI Kiya.

[Majlis Ahle Hadees Sawdhara (Gunjarawala, Pakistan), Jild: 15, Shumara Number: 22]

[Bahawala: Topi Wa Pagdi Se Ya Nange Sarr Namaz?, Safah: 19]

SCAN PAGE :

12. Ghair Muqallid Shaykh Abu Muhammad Hafiz Abdul Sattar Hamad Sahab Likhtey Hain :

“QIYAS Karke NANGE SARR Namaz Padhne Ki ADDAT Bana Lena ACCHI NAHI Hai..”

Nez Likhte Hain Ke Rasool ullah Sallallahu Alaihi Wassallam Se Qatai Taur Par Yeh Saabit Nahi Hai Ke Aap Ne Haalat-E-Ahram Ke Alawah Nange Sarr Namaz Adda Ki Ho. Is Silsile Me Jo Hadees Pesh Ki Jaati Hai Woh Apne Mafhoom Me Sareeh Nahi Hai. Agar Aisa Hota Toh Kutube Hadees Wa Seerat Me Iska Zaroor Tazkirah Hota. Jo Shakhs Yeh Dawah Karta Hai Ke Rasool ullah (S.A.W) Ne Hajj Wa Umrah Ke Alawah Nange Sarr (Namaz) Adda Ki Hai Woh Dalil Pesh Kare.
Algarz Nange Sarr Namaz Adda Karna SIRF Jaiz Hai WAJIB Ya MUSTAHAB Nahi Hai. Issi Tarah Sarr Dhanp Kar Namaz Adda Karna MUSTAHAB Toh Hai Lekin Zaroori Nahi..”

[Fatawa Ashabul Hadees, Jild: 1, Safah: 137]

SCAN PAGE :

13. Ghair Muqallido Ke Mashoor Muhaqiq Hafiz Zubair Ali Zai Sahab Likhtey Hain : “Namaz Sarr DHAMP Kar Padhna AFZAL Hai”

[Tehqeeqi Islaahi Aur Ilmi Maqalaat, Jild: 1, Safah: 505]

SCAN PAGE:

14. Ghair Muqallid Aalim Abu Adnan Muhammad Munir Qamar Nawabuddin Sahab Likhte Hain :

“…Mahez Susti Wa La-Parwahi Ke Bina Par Nange Sarr Namaz Padhne Ko Fashion He Bana Liya Isse Woh (Ahle Hadees Ulama) Bhi Pasand Nahi Kartey. Bulke Tamam AHNAF Ki Tarah Is Soorat Ko Woh (Ahle Hadees Ulama) Bhi Gair Mustahab Ya MAKROOH Ya Na-Pasandida Qarar Dete Hain.”

Nez Likhte Hain: “Bataure Fashion Wa Laparwahi Aur TA’SSUB Ke Bina Par Isse Mustaqil Addat Bana Lena Sahih NAHI Hai.”

[Topi Wa Pagdi Se Ya Nange Sarr Namaz?, Safah: 19, 24]

SCAN PAGE :

15. Ghair Muqallido Ke Muhaddis Ul-Asr Shaikh Muhammad Naseeruddin Albani Sb. Likhtey Hain :

“Mere Khayal Ke Mutabiq Bila-Wajah Nange Sarr Namaz Padhna MAKROOH Harqat Hai. Kyuke Yeh Baat Taslim Shudah Hai Ke Ek Musalman Ko Namaz Ki Addaigi Ke Liye Islami Shakal Wa Soorat Ikhtiyar Karna Zaroori Hai. Chunanche Rasool ullah (S.A.W) Ne Farmaya-Ke Allah Ta’alla Is Baat Ka Zyada Haq Dar Hai Ke Uske Liye Zeenat Ikhtiyar Ki Jaye.(Sunan Baihaqi: 2/236).”

“Hamare ASLAAF Ke Nazar Me Nange Sarr Rehna, Is Halat Me Bazaron, Galli Kuchon Me Ghumtey Phirna Phir Is Tarah Ibadat Ke Maqamat Me Chale Aana Koi Acchi Addat Nahi Hai Bulkey Dar Haqeeqat Magreebi Tehzeeb (Western Culture) Ki Wabar Hai. Jo Hamare Mutta’ad Wa Islaami Mamalik (Mulkon) Me Gush Aayi Hai. Jab Magreebi Tehzeeb Ke Silsilah Alambardar Islaami Mamalik Me Ayi Toh Apni Addat Wa Khasail Bhi Sath Layi. Inki Dekha Dekhi Na-Pukhtakar Musalman Bhi Aankhein Bandh Karke Inki TAQLEED Karne Lage. Is Tarah Musalmano Ne Apne Islaami Tehzeeb Ko MAJROOH Kardala Hai.”

[Tamaam Ul Minnah Fi Ta’leeq Alaa Fiqh Us Sunnah Lil Allama Naseeruddin Albani, Safah: 164]

[Fatawa Ashabul Hadees, Jild: 1, Safah: 137]

[Al Qaulul Mubeen, Safah: 57, 58]

SCAN PAGE : Tamaam Ul-Minna

SCAN PAGE : Al Qaulul Mubeen

SCAN PAGE : Fatawa Ashabul Hadees

16. Permanent Commitee For Scholarly Research And Ifta, SAUDI ARABIA Ka FATWA Mulaiza Farmayein :

Ek Sawal Ke Jawaab Ke Tehat Farmatey Hain :

“Musalman Ke Liye MUSTAHAB Hai Ke Woh Namaz Ke Liye Pura Sharai Libaas Pehanne Jisme Sarr Dhanpna Bhi Shamil Hai Kyunki Allah Tabarak Wa Ta’alla Ne Apne Bando Ko Namaz Ke Liye ZEENAT Ikhtyar Karne Ka HUQM Diya Hai, Allah Ta’alla Farmatey Hain ” ﻳَﺎ ﺑَﻨِﻲ ﺁﺩَﻡَ ﺧُﺬُﻭﺍ ﺯِﻳﻨَﺘَﻜُﻢْ ﻋِﻨْﺪَ ﻛُﻞِّ ﻣَﺴْﺠِﺪٍ..” Iske Alawa Rasoolullah Sallallahu Alaihi Wassallam Se Ek Bhi Riwayat Nahi Milti Jisme Ho Ke Kabhi Aap Sallallahu Alaihi Wassallam Ne Nange Sarr Namaz Padha Ho. Bulkey Aap Sallallahu Alaihi Wassallam Ka Ma’amool (Addat) Tha Ke Aap Amama Pehanna Kartey The Aur Aap Sallallahu Alaihi Wassallam Ka Tareeqa Sabse Behtareen Rehnumayi Hai.

[Fatawa Of Permanent Comitee For Scholarly Research And Ifta, Saudi Arabia, Fatawa Number: 21672]

Fatwa Comitee Ke Members:

· Shaikh Bakr Bin Zayd.
· Shaikh Salih Al-Fawzan.
· Shaikh Abdullah Ibn Ghudayyan.
· Shaikh Abdul Aziz Ibn Abdullah Al-Shaikh

Mazeed Comitee Ki Jankari Ke Liye Is Link Par Click Karein :

Fatwa Commitee Ifta, Saudi Arabia

KHULASA KALAM :

Topi Aur Amama Islam Ki Nishani Hai Dardhi Aur Topi Hamesha Se Musalmano Ki Pahchan Rahi Hai.

Magar Yahoodiyon Aur Angrezzo Ke Banaye Huye AGENT Aam Musalman Awwam Ko Nange Sarr Bila Topi, Rumal Wa Amama Wala YAHOOD Wa ESAYI Banane Me Lage Huye Hain..

Wallahu’Alam…

Advertisements

2 thoughts on “Firqa Ahle Hadees Ke Ulama Se Nange Sarr Namaz Padhne Ki Mu’maniat

  1. Pingback: Sarr Dhanp Kar Namaz Padhna (Quran, Hadees Wa Salaf Se) Ek MUSTAHAB Amal Hai | Ahle Sunnah Wal Jammat Ahnaf (Ulama-E-Deoband)

  2. Pingback: Sarr Dhanp Kar Namaz Padhna AFZAL Hai (Quran, Sahih Hadees Aur Salaaf Se Saboot) | Ahle Sunnah Wal Jammat Ahnaf (Ulama-E-Deoband)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s